The Archies: బాలీవుడ్ నెపోటిజం.. నెట్ ఫ్లిక్స్ పై తీవ్ర దుమారం

చిత్ర పరిశ్రమ అన్నాకా నెపోటిజం సాధారణమే.. ఒక స్టార్ హీరో ను పట్టుకొని వారి కొడుకులు.. మనవాళ్లు , మనవరాళ్లు వారి పిల్లలు ఇలా ఒకరి తరువాత ఒకరు వస్తూనే ఉంటారు. అయితే ఇక్కడ తండ్రి, తాతల పేర్లు చెప్పుకొని వచ్చినా వారి గుర్తింపు వారు సంపాదించుకోకపోతే వెనక్కి వెళ్లిపోవడం ఖాయం. అయితే ఈ నెపోటిజం బాలీవుడ్ లో ఎక్కువగా ఉంది అని చెప్పడంలో అతిశయోక్తి లేదు. ఇప్పటికే ఖాన్ లు, బచ్చన్ లు, కపూర్ లు, ఖన్నాలు ఇప్పటికే చాలామంది వచ్చారు.. ఇక నేటితరం బ్యాచ్ ను సిద్ధం చేస్తోంది బోల్డ్ లేడీ డైరెక్టర్ జోయా అక్తర్. ఆమె దర్శకత్వంలో నవ యువ నట వారసులు వెండితెరకు పరిచయమవుతున్నారు. ‘ది ఆర్చీస్’ పేరుతో ఒక వెబ్ మూవీ తెరకెక్కుతోంది. నెట్ ఫ్లిక్స్ ఒరిజినల్స్ ఈ వెబ్ మూవీని ప్రెజెంట్ చేస్తోంది.

పాశ్చాత్య `ఆర్చీస్` కామిక్స్ భారతీయ వెర్షన్ గా తెరకెక్కుతున్న ఈ మూవీ టీజర్ ఇటీవలే విడుదలై విమర్శలను ఎదుర్కొంటుంది. అగస్త్యా నంద (అమితాబ్‌ బచ్చన్‌ మనవడు), ఖుషీ కపూర్‌ (బోనీ కపూర్‌ – దివంగత నటి శ్రీదేవిల చిన్న కుమార్తె), సుహానా ఖాన్‌ (షారుక్‌ ఖాన్‌ కుమార్తె) నటిస్తున్న ఈ టీజర్ ట్రోలింగ్ కు గురవుతుంది. భారతదేశంలో ఏ ప్రాంతంలో, ఏ దశాబ్దంలో టీనేజర్లు ఇలా దుస్తులు ధరించారు?.. ఒక్కరైనా ఇండియాలో ఉన్నవారిగా కనిపిస్తున్నారా..? అని ప్రశ్నలు గుప్పిస్తున్నారు. విభిన్నమైన డ్రెస్ లు, హాట్ కట్ లతో వారికి విదేశీయులుగా చిత్రీకరించి జోయా ఏం చెప్దామనుకుంటున్నాం అని ట్రోల్స్ చేస్తున్నారు. ఇక ఈ వెబ్ మూవీని స్ట్రీమింగ్ చేయనున్న నెట్ ఫ్లిక్స్ ను కూడా నెటిజన్స్ వదులలేదు.. ఇప్పటికే ఈ ఓటిటీ పాశ్చాత్య సంస్కృతిని ఎంకరేజ్ చేస్తోంది .. ఇది ఇలాగె కొనసాగితే నెట్ ఫ్లిక్స్ డౌన్ అవుతోంది..మీరు భారతీయ అభిరుచికి ఇక్కడి సంస్కృతి సున్నితత్వానికి సరిపోయే సిరీస్ ను రూపొందించలేకపోతే సభ్యత్వాన్ని ఆశించాల్సిన పని లేదు అంటూ విమర్శలు గుప్పిస్తున్నారు. ఆదిలోనే హంసపాదు అన్నట్లు టీజర్ తోనే ఇన్ని విమర్శలు అందుకున్న ఈ మూవీ రిలీజ్ వరకు ఉంటుందా..? లేదా అనేది చూడాలి.