Movies Releasing this week: ఈ వారం థియేటర్‌/ఓటీటీలలో సందడి చేయనున్న సినిమాలివే!
- Follow Us :
-
-
Add as a preferred
source on google
Telugu Movies Releasing this week in theaters and OTT: ప్రస్తుతం పెద్ద సినిమాలు ఏవీ రిలీజ్ కు లేక పోవడంతో ప్రతి శుక్రవారం లాగే ఈ వారం కూడా చిన్న సినిమాలు ప్రేక్షకులను అలరించడానికి సిద్ధం అవుతున్నాయి. అయితే ఈ వారం ఏకంగా పది సినిమాలు బాక్స్ ఆఫీస్ దగ్గర సందడి చేయబోతున్నాయని అంటున్నారు అవేమిటో ఒక లుక్ వేసేద్దాం పదండి. ఈ వారం పది దాకా సినిమాలు రిలీజ్ కి రెడీ అవుతున్నా ఆ జాబితాలో కాస్త ఎక్కువ క్రేజ్ ఉన్న సినిమాలుగా హిడింబ, హర్, ‘హత్య’ సినిమాలు కనిపిస్తున్నాయి. వాటిలో హత్య విషయానికి వస్తే విజయ్ ఆంటోని హీరోగా నటించిన ఈ సినిమాలో, ఆయన సరసన రితిక సింగ్ – మీనాక్షి చౌదరి హీరోయిన్లుగా కనిపించనున్నారు. బాలాజీ కుమార్ డైరెక్ట్ చేసిన ఈ సినిమాను, తెలుగు ప్రేక్షకుల ముందుకు సురేష్ ప్రొడక్షన్స్ తీసుకు వస్తోంది. ఇక అశ్విన్‌బాబు, నందిత శ్వేత హీరోహీరోయిన్లుగా నటించిన ‘హిడింబ’ సినిమాకు అనిల్‌ కన్నెగంటి దర్శకత్వం వహించారు. గంగపట్నం శ్రీధర్‌ నిర్మాతగా వ్యవహరించిన ఈ సినిమా జులై 20న ప్రేక్షకుల ముందుకు రానుంది.
Saindhav: చిన్న పాప కోసం పోస్టరా? ఏదో గట్టిగా ప్లాన్ చేసినట్టున్నారు మైక్!
ఇక ఆ తరువాత చైతన్యరావు – లావణ్య జంటగా నటించిన ‘అన్నపూర్ణ ఫొటో స్టూడియో’ సినిమాకి, చందు ముద్దు దర్శకత్వం వహించాడు. బిగ్ బెన్ సినిమా నిర్మించిన ఈ సినిమా, జంధ్యాల మార్కు సినిమాగా .. ఆ కాలం నాటి నేపథ్యంలో రానుందని అంటున్నారు. ఇక అదే సమయంలో రుహానీ శర్మ కీలక పాత్రలో శ్రీధర్‌ స్వరాఘవ్‌ దర్శకత్వంలో తెరకెక్కిన ‘హెచ్‌.ఇ.ఆర్‌ కూడా రిలీజ్ అవుతోంది. రఘు సంకురాత్రి, దీపా సంకురాత్రి సంయుక్తంగా నిర్మించిన ఈ సినిమాను సురేష్ ప్రొడక్షన్స్ ఈ నెల 21న రిలీజ్ చేస్తోంది. ఇక ఈ ఏడాది సినీ ప్రేక్షకులు ఎంతో ఆసక్తిగా ఎదురు చూస్తున్న హాలీవుడ్ మూవీ ఒప్పెన్‌ హైమర్‌ కూడా రిలీజ్ అవుతోంది. స్టార్‌ డైరెక్టర్‌ క్రిస్టోఫర్‌ నోలాన్‌ దర్శకత్వంలో తెరకెక్కుతున్న ఈ సినిమా కూడా జులై 21న ఈ చిత్రం విడుదల కానుంది. ఇక ఇవి కాక అలా ఇలా ఎలా, నాగద్వీపం, కాజల్ కార్తీక, జిలేబీ, నాతో నేను సినిమాలు థియేటర్లలో రిలీజ్ కాబోతున్నాయి. మరి ఈ సినిమాల్లో ఏది ఎక్కువ మార్కులు తెచ్చుకుంటుంది అనేది శుక్రవారం నాడు తేలనుంది.
ఈ వారం ఓటీటీలో రిలీజవుతున్న సినిమాలు, వెబ్‌ సిరీస్‌ల వివరాలు చూద్దాం.
అమెజాన్‌ ప్రైమ్‌ :
బవాల్‌ (హిందీ) జులై 21 వ తేదీ స్ట్రీమింగ్‌
జీ5 :
ఎస్టేట్‌ (తమిళ) జులై 16 వ తేదీ స్ట్రీమింగ్‌
స్పైడర్‌మాన్‌: ఎక్రాస్‌ ది స్పైడర్స్‌ వర్స్‌ (యానిమేషన్‌) జులై 18 వ తేదీ స్ట్రీమింగ్‌
నెట్‌ ఫ్లిక్స్‌ :
ది డీపెస్ట్‌ బ్రెత్‌ (హాలీవుడ్) జులై 19వ తేదీ స్ట్రీమింగ్‌
స్వీట్‌ మంగోలియాస్‌ (వెబ్‌ సిరీస్‌ 3వ సీజన్) జులై 20వ తేదీ స్ట్రీమింగ్‌
దే క్లోన్‌డ్‌ టైరోన్‌ (హాలీవుడ్) జులై 21 వ స్ట్రీమింగ్‌
జియో సినిమా :
ట్రయల్‌ పీరియడ్‌ (హిందీ) జులై 21వ తేదీ స్ట్రీమింగ్‌