Sardar 2 : కార్తీపై గుర్రుగా ఉన్న తమిళనాడు థియేటర్స్ యాజమాన్యం

తమిళనాడులో ఓటీటీ రిలీజ్ విండో విషయంలో సమస్య కొలిక్కి రాలేదు. 8 వారాల విండో అని మరొకరు, 4 వారాల విండో అని మరొకరు ఎవరి వాదన వారు వినిపిస్తున్నారు. స్ట్రైక్ వరకు వెళ్లింది.. ప్రభుత్వం కలగజేసుకుని సమస్యను పరిష్కరిస్తామని చెప్పడంతో ప్రస్తుతానికి కామ్ అయ్యింది ఇండస్ట్రీ. కానీ కార్తీ మాత్రం ఈ లెక్కలేమీ పట్టించుకున్నట్లు లేడు. ఫ్లాప్ సినిమాలకు అన్ని రోజులు కూడా అనవసరం అనుకున్నాడేమో.. 4 వారాల లోపే సినిమాలు ఓటీటీ ఇచ్చేసి అందర్ని షాక్‌కు గురి చేశాడు.

కార్తీ రీసెంట్లీ సర్దార్2తో హాయ్ చెప్పాడు. పీఎస్ మిత్రన్ దర్శకత్వంలో సర్దార్ సీక్వెల్‌గా వచ్చిన ఈ మూవీ ఆడియన్స్ అంచనాలు అందుకోవడంలో తడబడింది. అదే రోజు రిలీజైన సూరి, సుహాస్ మూవీ “మండాడి “ఇంకా థియేటర్స్‌లో సక్సెస్ ఫుల్‌గా రన్ అవుతోన్న టైంలో సర్దార్2 ఓటీటీలో సందడి చేస్తోంది. సెప్టెంబర్ 10న రిలీజైన ఈ మూవీ 20 రోజుల్లోనే డిజిటల్ ఫ్లాట్ ఫామ్‌పై సందడి చేస్తోంది. సర్దార్2 బెటర్.. రిలీజైన మూడు వారాల్లో వస్తే.. ఈ ఏడాది సంక్రాంతికి వచ్చిన వా వాతియార్ అయితే కేవలం 14 రోజుల్లోనే ఓటీటీ బాట పట్టింది. ఈ ఏడాది సంక్రాంతికి రిలీజైన ఈ మూవీబాక్సాఫీస్ దగ్గర దారుణమైన రిజల్ట్ చూసింది.

తమిళనాడులో ఇటు డిస్ట్రిబ్యూటర్స్ అటు థియేటర్ ఓనర్స్ 8 వారాల విండో కోసం పోరాటం నిర్మాతలు నష్టపోతామని ఫైట్ చేస్తుంటే ఈవేమీ పట్టించుకోకుండా వీరి వాదనలకు భిన్నంగా ఓటీటీలోకి సినిమాలు తెస్తున్నాడు. కార్తీ ఇలా చేస్తే భవిష్యత్తులో అతడి కెరీర్‌కే ముప్పు అంటున్నారు ట్రేడ్ పండితులు. ఎలాగూ తక్కువ టైంలోనే ఓటీటీలోకి వచ్చేస్తున్నాయి కదా అని అతడి సినిమాలను థియేటర్స్‌కు వెళ్లి చూసేందుకు జనాలు ఇష్టపడరన్నది వారి వాదన. కార్తీ ఇలాంటి కామెంట్స్ సీరియస్‌గా తీసుకుంటాడా..?