Prabhas Health: ప్రభాస్ జాతకం కన్నతల్లికి తప్ప ఎవరికీ తెలియదు.. వేణు స్వామి వ్యాఖ్యలపై పెద్దమ్మ ఆవేదన

Syamala Devi felt bad about Venu Swami Comments on Prabhas Health: ప్రభాస్ జాతకం గురించి ఆయన ఆరోగ్యం గురించి వివాదాస్పద జ్యోతిష్యుడు వేణు స్వామి అనేకసార్లు అనేక ఇంటర్వ్యూలలో ప్రస్తావిస్తూ వచ్చిన సంగతి తెలిసిందే. ఆయనకు ఇక హిట్ అనేది దక్కదు అని అనేక ఇంటర్వ్యూలో కుండ బద్దలు కొట్టిన తర్వాత సలార్ సినిమా హిట్ కావడంతో ప్రభాస్ అభిమానులు వేణు స్వామిని సైతం టార్గెట్ చేశారు. అయితే ఆ సంగతి అలా ఉంచితే తాజాగా కృష్ణంరాజు భార్య ప్రభాస్ పెద్దమ్మ శ్యామలాదేవి జ్యోతిష్యుడు వేణు స్వామి వ్యాఖ్యల మీద స్పందించారు. తాను పెద్దగా సోషల్ మీడియా ఫాలో అవ్వను కానీ ప్రభాస్ జాతకం గురించి ఇలా చెబుతున్నారని తెలిసిన వాళ్ళు నాకు ఆ వీడియోలు చూపించారు. ఆ వీడియోలు చూసిన తర్వాత నాకు చాలా బాధనిపించింది. ఎందుకంటే ప్రభాస్ జాతకం ఏమిటి? అనే విషయం ప్రభాస్ కన్నతల్లికి తప్ప మాకు కూడా తెలియదు.

Rishab Shetty: ‘హనుమాన్’లో ఆ పాత్ర రిషబ్ శెట్టి మిస్సయ్యాడు.. చేసి ఉంటేనా, అరాచకం అంతే!!

అలాంటి ప్రభాస్ జాతకం గురించి ఆ జ్యోతిష్యుడికి ఎలా తెలిసింది? ఆయన చెప్పేవన్నీ పుకార్లు తప్ప అందులో ఎలాంటి నిజాలు లేవు. ఈ విషయాన్ని ప్రభాస్ అభిమానుల సైతం నా దృష్టికి తీసుకువచ్చారు. అమ్మ, మీరు ఈ విషయంలో ఖండించాలి లేకపోతే ఇలాంటి పుకార్లు వస్తూనే ఉంటాయి అంటే ఇందులో నేను ఖండించేదేముంది పుకారు అని మీరే చెబుతున్నారు కదా అని తోసిపుచ్చాను, అని ఆమె అన్నారు. నిజానికి ప్రభాస్ జాతకం ఎలాంటిది? ఆయన పుట్టిన ఘడియలు ఏమిటి అనే విషయం తనకు కూడా తెలియవని, అవన్నీ ప్రభాస్ కన్న తల్లికి మాత్రమే తెలుసని ఈ సందర్భంగా శ్యామలాదేవి చెప్పుకొచ్చారు. ఇక ఇటీవల రెబల్ స్టార్ కృష్ణంరాజు జయంతి సందర్భంగా శ్యామలాదేవి, ప్రసీద, ప్రభాస్ తదితరులు కృష్ణంరాజు సొంత గ్రామం అయిన మొగల్తూరులో ఒక మెగా షుగర్ క్యాంపు నిర్వహించారు. అయితే ప్రభాస్ ప్రత్యక్షంగా పాల్గొనకపోయినా శ్యామలాదేవి, ప్రసీద మాత్రం అక్కడే ఉండి అన్ని ఏర్పాట్లు చూసుకున్నారు.