Suriya: వ్వా.. అందుకే నువ్వంటే అభిమానులు పడి చచ్చిపోతున్నారయ్యా

Suriya: కోలీవుడ్ స్టార్ హీరో సూర్య గురించి ప్రత్యేకంగా చెప్పాల్సిన అవసరం లేదు. తమిళ్ లోనే కాదు తెలుగులో కూడా అంతే ఫ్యాన్ ఫాలోయింగ్ అందుకున్న హీరో సూర్య మాత్రమే. ఇక్కడ సూర్యను కూడా తెలుగు నటుడు అనే అంటారు. అంతలా తెలుగు అభిమానులకు చేరువ అయ్యాడు. ఇక తమిళ్ లో సూర్య ఏ సినిమా రిలీజ్ అయినా అది తెలుగులో కూడా డబ్ కావాల్సిందే. అభిమానులు ఆయనను ఎంతగా ప్రేమిస్తారో.. అంతకు మించిన ప్రేమను సూర్య అభిమానులకు అందిస్తాడు. అభిమానులకు ఏది కావాలంటే అది అందించడంలో సూర్య ఎప్పుడు ముందు ఉంటాడు. ఇక నిన్న సూర్య పుట్టినరోజు సందర్భంగా ఫ్లెక్సీలు కడుతూ ఇద్దరు అభిమానులు మృతి చెందిన విషయం తెల్సిందే. పల్నాడు జిల్లాకు చెందిన నక్కా వెంకటేష్, పోలూరు సాయి అనే ఇద్దరు అభిమానులు.. ఫ్లెక్సీలు కడుతుండగా కరెంట్‌ షాక్‌ కొట్టడంతో అక్కడికక్కడే మృతి చెందారు.

Ariyana Glory: గుర్తుపట్టలేనంతగా మారిన అరియనా.. ఆ పని ఎక్కువ చేస్తున్నావా.. ?

ఇక ఈ విషయం తెలియడంతో సూర్య కన్నీటిపర్యంతమయ్యాడు. మృతుల కుటుంబాలకు వీడియో కాల్‌ చేసి మాట్లాడాడు. ఇక సూర్యను చూసిన మృతుల తల్లిదండ్రులు.. గుండెలు పగిలేలా ఏడ్చారు. కొడుకులు లేరని, తమ జీవితం ఎలా అని కన్నీళ్లు పెట్టుకున్నారు. ఇక వారి బాధను చూసి చలించిపోయిన సూర్య వారిని ఓదార్చాడు. కొడుకులను తీసుకురాలేను కానీ, వారికి కొడుకుగా ఉంటాను అని చెప్పాడు. ఆ కుటుంబాలకు ఎలాంటి సహాయం కావాలన్నా తానే దగ్గర ఉండి చేస్తాను అని హామీ ఇచ్చాడు. ఈ వీడియో సోషల్‌ మీడియాలో వైరల్‌గా మారింది. ఇక ఈ వీడియో చూసిన సూర్య అభిమానులు ఆయనను ప్రశంసిస్తున్నారు. అందుకే నువ్వంటే పడి చచ్చిపోతున్నారయ్యా.. నువ్వు చూపించే ప్రేమకు మేము ఎప్పుడు దాసోహం అంటూ కామెంట్స్ పెడుతున్నారు.