మహేష్-త్రివిక్రమ్ సినిమా బిగ్ అప్డేట్

నేడు సూపర్‌స్టార్ మహేష్ బాబు పుట్టిన రోజు సందర్బంగా సోషల్ మీడియాలో అభిమానుల జోష్ కనిపిస్తోంది. ఆయన ప్రస్తుతం నటిస్తున్న ‘సర్కారు వారి పాట’ నుంచి వచ్చిన విజువల్స్ వీడియో టాప్ లో ట్రెండ్ అవుతుంది. ఇక ఈ సినిమా తరువాత మహేష్ కెరీర్ లో #SSMB28 గా వస్తున్న సినిమాని త్రివిక్రమ్ తెరకెక్కించనున్న విషయం తెలిసిందే. వీరి కాంబినేషన్ నుంచి వస్తున్న మూడో సినిమా ఇది. హారిక హాసిని క్రియేషన్స్‌ పతాకంపై ఎస్‌.రాధాకృష్ణ(చినబాబు)ఈ చిత్రాన్ని నిర్మిస్తున్నారు. అయితే తాజాగా ఈ సినిమా పూర్తి వివరాలను చిత్రబృందం ప్రకటించింది.

పూజా హెగ్డే మరోసారి మహేష్ బాబు పక్కన నటించే ఛాన్స్ కొట్టేసింది. ఇదివరకు వీరిద్దరూ ‘మహర్షి’ సినిమాలో కలిసి నటించిన విషయం తెలిసిందే. ఇక ఈ చిత్రానికి తమన్ సంగీతం సమకూర్చనున్నారు. ‘అల వైకుంఠపురములో’ తర్వాత దర్శకుడు త్రివిక్రమ్ శ్రీనివాస్ మళ్లీ ఆయనకు ప్రాధాన్యమిస్తున్నారు. ఈ చిత్రంలో పూజా హెగ్డే హీరోయిన్ గా నటించిన విషయం తెలిసిందే. ఇక ఎ.ఎస్‌.ప్రకాశ్‌ ఆర్ట్‌ డైరక్టర్‌గా, నవీన్‌ నూలి ఎడిటర్‌గా, మది సినిమాటోగ్రాఫర్‌గా వ్యవహరించనున్నారు.