Peddi South Vs North: “దీపికా బికినీలు, మృణాల్ స్కిన్ షోలు మీకు ఓకేనా?”

‘పెద్ది’ సినిమాలో జాన్వీ కపూర్ ను ఓవర్ గ్లామరస్ గా చూపించడంతో పాటు, లిప్ లాక్ సన్నివేశాలపై సౌత్ టు నార్త్.. డైరెక్టర్ బుచ్చిబాబుని టార్గెట్ చేశారు. సౌత్ ఆడియన్స్ చేశారంటే ఓకే కానీ, హీరోయిన్స్ ను ఇంతకంటే వల్గర్ గా చూపించే నార్త్ క్రిటిక్స్, పనిగట్టుకొని ట్రోలింగ్ చేస్తున్నారు. ఇక మన నెటిజన్లు ఊరుకుంటారా? ఇచ్చి పడేస్తున్నారు! ‘పెద్ది’ సినిమా బాగుందని టాక్ వచ్చినా, జాన్వీ కపూర్ ఎక్స్పోజింగ్, లిప్ లాక్ సీన్లపై అభ్యంతరాలు వ్యక్తమయ్యాయి. ఇలాంటి కమర్షియల్ సినిమాలో జాన్వీ ఎక్స్పోజింగ్ జీర్ణించుకోలేని కొంతమంది తమ అభిప్రాయాన్ని చెప్పగా.. డైరెక్టర్ బుచ్చిబాబు సైతం స్పందించి, తనదైన వివరణ ఇచ్చాడు. ఏ మహిళా పాత్రను వస్తువుగా చూపించడం, అగౌరవపరచడం తమ ఉద్దేశం కాదని క్లారిటీ ఇస్తూ క్షమాపణలు చెప్పాడు. అభ్యంతరకర సన్నివేశాలకు కత్తెర్లు వేశారు కూడా.

సౌత్ డైరెక్టర్స్ ఎప్పుడు దొరుకుతారా, ఎప్పుడు ట్రోల్ చేద్దామా అని పనిగట్టుకొని కూర్చున్న నార్త్ క్రిటిక్స్ మాత్రం.. ‘సెక్స్ ఎక్స్ప్లాయిటేషన్, డిస్గస్టింగ్, అబ్జెక్షనబుల్’ అంటూ పెద్ద పెద్ద పదాలు వాడేస్తున్నారు. హీరోయిన్స్ బాడీ పార్ట్స్ ను సౌత్ డైరెక్టర్స్ ఓవర్ గా చూపిస్తారని ఇష్టం వచ్చినట్లు కామెంట్స్ చేస్తున్నారు. మన డైరెక్టర్స్ ని మనమే తిట్టాలి.. పక్కనోడు తిడితే సౌత్ ఆడియన్స్ హర్ట్ అవ్వరా? వెంటనే ఇచ్చి పడేస్తున్నారు. హై జవానీతో ‘ఇష్క్ హోనా హై’లో మృణాల్ అండ్ పూజా హెగ్డే గ్లామర్ ఫోటోలతో పాటు.. దీపికా పదుకొణె బికినీ పిక్స్, ఇంకొంతమంది ఎక్స్పోజింగ్ పిక్స్ షేర్ చేసి, “ఇదేంటి మరి?” అంటూ ప్రశ్నిస్తున్నారు. అక్కడి భామలు స్కిన్ షో చేస్తే ‘హాట్, కెవ్వు కేక’ అంటూ సొల్లు మాటలు చెబుతూ, సౌత్ లో కాస్త గ్లామర్ షో చేయగానే బూతులు మాట్లాడుతున్నారంటూ మండిపడుతున్నారు.