మంచి రోజులొచ్చాయి : “సోసోగా” లిరికల్ వీడియో సాంగ్
మారుతీ దర్వకత్వంలో తెరకెక్కిస్తున్న తాజా సినిమా ‘మంచి రోజులు వచ్చాయి’. ఇప్పటికే విడుదలైన ఈ చిత్ర ఫస్ట్ లుక్తో పాటు టీజర్కు కూడా చక్కని స్పందన వచ్చింది. ‘ఏక్ మినీ కథ’ సినిమాతో మంచి పేరు తెచ్చుకున్న యువ కథానాయకుడు సంతోష్ శోభన్ ఈ చిత్రంలో హీరోగా నటిస్తున్నాడు. ‘మహానుభావుడు’ లాంటి హిట్ సినిమా తర్వాత మారుతి కాంబినేషన్లో మెహ్రీన్ కౌర్ ఫిర్జాదా ఇందులో హీరోయిన్గా నటిస్తోంది. ఈ మూవీకి సాయి శ్రీరామ్ సినిమాటోగ్రఫీ, అనూప్ రూబెన్స్ సంగీతం అందిస్తున్నారు. “మంచి రోజులొచ్చాయి” సినిమాను వి సెల్యులాయిడ్ బ్యానర్ లో ఎస్కేఎన్ నిర్మిస్తున్నారు. తాజాగా ఈ చిత్రం నుంచి “సోసోగా ” అనే లిరికల్ వీడియో సాంగ్ ను రిలీజ్ చేశారు.
Read Also : ఆది సాయికుమార్ కొత్త సినిమా ప్రారంభం
సుప్రీం హీరో సాయి ధరమ్ తేజ్ చేతుల మీదుగా ఈ సాంగ్ విడుదలైంది. సాంగ్ ను విడుదల చేసిన అనంతరం సాయి తేజ్ సినిమా మంచి విజయం సాధించాలని కోరుకున్నారు. చిత్రబృందానికి తన బెస్ట్ విషెస్ తెలియజేశారు. ఇక హీరోహీరోయిన్ల మధ్య సాగే ఈ రొమాంటిక్ వీడియో సాంగ్ ను సెన్సేషనల్ సింగర్ సిద్ శ్రీరామ్ పాడారు. ఈ పాటను ప్రముఖ లిరిక్ రైటర్ కేకే రాసారు. ప్రేమికులను ఆకట్టుకుంటున్న ఈ రొమాంటిక్ లిరికల్ వీడియో సాంగ్ ను మీరు కూడా వీక్షించండి.