Sunitha: సింగర్ సునీత టాలీవుడ్ ఎంట్రీ.. ఆ డైరెక్టర్ కంట్లో పడితే అంతే..?

Sunitha: సింగర్ సునీత గురించి ప్రత్యేకంగా చెప్పాల్సిన అవసరం లేదు. ఆమె స్వరంతో ఎంతమందిని మెస్మరైజ్ చేసింది. ఇక సునీత ఆహార్యం ఎంతో చక్కగా ఉంటుంది. తెలుగింటి ఆడపడుచు ఎలా ఉండాలో సునీతను చూస్తే అర్ధమవుతూ ఉంటుంది. ఒక నటిగా ఉండాల్సిన అన్ని లక్షణాలు ఆమెలో ఉన్నాయి. కానీ, ఇప్పటివరకు ఆమె సినిమాల్లోకి ఎంట్రీ ఇవ్వాలని అనుకోలేదు. అయితే తాజాగా అందుతున్న సమాచారం ప్రకారం సునీత టాలీవుడ్ ఎంట్రీ ఇస్తుందట. మాటల మాంత్రికుడు త్రివిక్రమ్ కంట్లో సునీత పడిందని టాక్ నడుస్తోంది. SSMB28 లో మహేష్ బాబు కు అక్కగా సునీతను నటింపజేయాలని ప్లాన్ లో త్రివిక్రమ్ ఉన్నట్లు వార్తలు వస్తున్నాయి.

ఇప్పటికే ఈ పాత్ర కోసం ఎంతోమంది సీనియర్ హీరోయిన్లను సంప్రదించినట్లు టాక్ నడుస్తోంది. కాగా, సునీత అయితే ఆ పాత్రకు చక్కగా సరిపోతుందని భావించిన త్రివిక్రమ్ ఆమెతో సంప్రదింపులు జరిపి ఎట్టకేలకు ఒప్పించినట్లు టిటౌన్ లో టాక్ నడుస్తోంది. ఒకవేళ ఇదే కనుక నిజమైతే సునీత లైఫ్ మారిపోయినట్లే. త్రివిక్రమ్ సినిమా.. అందులో మహేష్ కు అక్కగా అంటే మాటలు కాదు. ఈ ఒక్క సినిమా క్లిక్ అయితే సునీత నటిగా మంచి గుర్తింపునే సంపాదించుకొంటుందని అభిమానులు అంటున్నారు. అంతేకాకుండా త్రివిక్రమ్ కంట్లో ఒక్కసారి పడితే చాలు.. ఆయన అన్ని సినిమాల్లో ఏదో ఒక ఛాన్స్ ఇచ్చేస్తాడు. మరి ఈ వార్తలో ఎంత నిజముంది అనేది తెలియాల్సి ఉంది.