Shiva Re-Release: శివ మళ్లీ వస్తున్నాడు.. రీ-రిలీజ్‌పై బన్నీ స్పెషల్ మెసేజ్

తెలుగు సినిమా చరిత్రలో సునామీలా మార్పులు తెచ్చిన కల్ట్ క్లాసిక్ ‘శివ’ మరోసారి థియేటర్లలో సందడి చేయబోతోంది. రామ్ గోపాల్ వర్మ దర్శకత్వం వహించి, అక్కినేని నాగార్జున హీరోగా నటించిన ఈ ఐకానిక్ చిత్రం 36 ఏళ్ల క్రితం విడుదలై తెలుగు సినీ ప్రపంచాన్ని పూర్తిగా మార్చేసింది. ఇప్పుడు అదే లెజెండరీ సినిమా నవంబర్ 14న గ్రాండ్‌గా రీ-రిలీజ్ కానుంది.

Also Read : Mass Jathara : మాస్ జాతర ట్రైలర్ రిలీజ్ డేట్ ఫిక్స్ – రవితేజ మాస్ ఎంట్రీకి రెడీ!

‘శివ’ విడుదలైన రోజుల్లోని ఆ మాస్ క్రేజ్‌, యూత్ రెస్పాన్స్ ఇప్పటికీ గుర్తుండే ఉంటుంది. యాక్షన్ సీక్వెన్స్‌లు, రియలిస్టిక్ టేకింగ్‌, ఇలయరాజా సంగీతం, నాగార్జున స్టైల్ ఇవన్నీ కలిసి ఆ సినిమాను కొత్త దిశగా తీసుకెళ్లాయి. అందుకే ఈ సినిమా రీ-రిలీజ్‌కి ముందు నుంచే టాలీవుడ్ అంతా ఆసక్తిగా ఎదురు చూస్తోంది. ఇక ఈ సందర్భంగా ప్రముఖులు, దర్శకులు ‘శివ’ తమ జీవితంపై చూపిన ప్రభావం గురించి పంచుకుంటున్నారు. ఇప్పటికే శేఖర్ కమ్ముల, అశుతోష్ గోవారికర్ తమ అనుభవాలను వీడియోల రూపంలో పంచుకోగా, తాజాగా ఐకాన్ స్టార్ అల్లు అర్జున్ కూడా స్పెషల్ మెసేజ్ ఇచ్చారు.

ఆ వీడియోలో బన్నీ మాట్లాడుతూ.. “తెలుగు సినిమా చరిత్రలో ‘శివ’ ఒక ఐకానిక్ చిత్రం. ఆ ఒక్క సినిమా భారతీయ సినీ పరిశ్రమకు కొత్త దారులు చూపింది. మాస్‌, రియలిజం, టెక్నికల్ బ్రిలియన్స్ అన్నీ కలిపిన ఒక అద్భుతం అది. అలాంటి సినిమా మళ్లీ థియేటర్లలోకి వస్తుంటే ఆ వేడుకను గ్రాండ్‌గా జరుపుకోవాలి. అక్కినేని అభిమానులకే కాకుండా ప్రతి తెలుగు సినిమా ప్రియుడికి ఇది సెలబ్రేషన్‌ లాంటిది. ఈసారి థియేటర్‌కి వెళ్లేటప్పుడు రెండు లారీల పేపర్లు తీసుకెళ్లండి!” అని తనదైన మాస్‌ స్టైల్‌లో సందేశం ఇచ్చాడు. బన్నీ ఇచ్చిన ఈ ఫన్నీ, ఫ్యాన్‌ఫుల్ మెసేజ్‌ సోషల్ మీడియాలో వైరల్‌ అవుతోంది. అంతే కాదు బన్నీ వీడియో పై ఇటు నాగార్జున తో పాటు నాగచైతన్య కూడా స్పందించారు. మొత్తనికి నాగార్జున – వర్మ కాంబినేషన్‌లో వచ్చిన ఈ మాస్టర్‌పీస్‌ రీ-రిలీజ్‌ కోసం అభిమానులు పెద్ద ఎత్తున ఏర్పాట్లు చేస్తున్నారు. 36 ఏళ్ల క్రితం తెరపై మళ్లీ శివ గర్జించబోతున్నాడు.

 

Dear @alluarjun rendu lorryla thanks to you !!!💥💥💥#Shiva4KOnNovember14th #50YearsOfAnnapurna #SHIVA #ANRLivesOn@RGVzoomin @amalaakkineni1 @ilaiyaraaja @AnnapurnaStdios #SGopalReddy @adityamusic pic.twitter.com/5FSZAyqpp5

— Nagarjuna Akkineni (@iamnagarjuna) October 25, 2025