పఠాన్ సినిమాతో వెయ్యి కోట్లు రాబట్టి బాయ్ కాట్ ట్రెండ్ కి, బాలీవుడ్ బాక్సాఫీస్ స్లంప్ ని ఎండ్ కార్డ్ వేసాడు కింగ్ ఖాన్ షారుఖ్ ఖాన్. జనవరి 25న సాలిడ్ కంబ్యాక్ ఇచ్చిన షారుఖ్, హిందీ సినిమాకి ప్రాణం పోసాడు. ఇప్పుడు సెప్టెంబర్ 7న మరో బాక్సాఫీస్ సెన్సేషన్ ని ఆడియన్స్ ముందుకి తీసుకోని రాబోతున్నాడు. సౌత్ స్టార్ డైరెక్టర్ అట్లీ డైరెక్ట్ చేసిన జవాన్ సినిమా షారుఖ్ కే కాదు బాలీవుడ్ కే బిగ్గెస్ట్ హిట్ అవుతుందనే నమ్మకం ట్రేడ్ వర్గాల్లో ఉంది. అనౌన్స్మెంట్ నుంచే హైప్ మైంటైన్ చేస్తున్న జవాన్ మూవీ, రీసెంట్ గా ప్రీవ్యూతో అందరికీ మైండ్ బ్లాక్ చేసింది. గుండు గెటప్ లో షారుఖ్ చేసిన హంగామా సోషల్ మీడియాలో ట్రెండ్ అవుతూనే ఉంది. రిలీజ్ అయిన 24 గంటల్లో జవాన్ ప్రీవ్యూ 112 మిలియన్ వ్యూస్ రాబట్టింది అంటే ఆ వీడియో సృష్టించిన హవోక్ ఏ రేంజులో ఉందో అర్ధం చేసుకోవచ్చు. యాక్షన్ ప్యాక్డ్ ప్రీవ్యూ షారుఖ్ ఫాన్స్ కి మాత్రమే కాదు ప్రతి యాక్షన్ మూవీ లవర్ కి కిక్ ఇచ్చింది.
అనిరుద్ మ్యూజిక్ ప్రీవ్యూని మరింత స్పెషల్ గా మార్చింది. చాలా రేర్ గా షారుఖ్ నెగటివ్ టచ్ ఉన్న రోల్ ప్లే చేస్తాడు, ఒకసారి ప్లే చేస్తే మాత్రం దాని ఇంపాక్ట్ బాక్సాఫీస్ దగ్గర బాగా బలంగా ఉంటుంది. ఈ విషయాన్నే జవాన్ ప్రీవ్యూ మరోసారి నిరూపించింది. జవాన్ రిలీజ్ కి ఇంకా రెండు నెలల సమయం ఉండగానే బెంచ్ ప్రాఫిట్ ని మేకర్స్ సొంతం చేసుకున్నారు అంటే షారుఖ్ ర్యాంపేజ్ ఏ రేంజులో ఉందో అర్ధం చేసుకోవచ్చు. 200 కోట్ల బడ్జట్ తో రూపొందిన జవాన్ సినిమా ఆడియో రైట్స్, థియేటర్ రైట్స్, సాటిలైట్ రైట్స్, ఓటీటీ రైట్స్ రూపంలో ఇప్పటికే 564 కోట్లని రాబట్టిందని సమాచారం. అంటే ఆల్మోస్ట్ 200 కోట్లతో రూపొందిన జవాన్ సినిమా రిలీజ్ కి రెండు నెలల ముందే 364 కోట్ల రూపాయలని ఎక్కువగా రికవర్ చేసింది. ఇండియన్ ఫిల్మ్ ఇండస్ట్రీలో ఏ స్టార్ హీరో సినిమాకి కూడా ఈ రేంజ్ ప్రాఫిట్ రిలీజ్ కి ముందే రావడం ఆశ్చర్యం కలిగించే విషయం. అందుకే షారుఖ్ కింగ్ ఖాన్ అయ్యాడు, బాక్సాఫీస్ కి బాద్షా అయ్యాడు.
