Merangi Junction : షకలక శంకర్ హీరోగా ‘మేరంగి జంక్షన్’!

యువన్ టూరింగ్ టాకీస్ పతాకంపై మాస్టర్ దివ్యాన్ష్ సమర్పణలో వర్సటైల్ నటుడు షకలక శంకర్ ప్రధాన పాత్రలో రూపొందుతున్న చిత్రం “మేరంగి జంక్షన్”. శివ గణేష్ రచన, దర్శకత్వంలో రవి కృష్ణ గొల్లు, రాజేష్ గంగునాయుని, పెద్దింటి మోహన రావు, చొక్కపు రాములమ్మ మరియు సీర గణపతి నాయుడు సంయుక్తంగా ఈ చిత్రాన్ని నిర్మిస్తున్నారు. ఒరిస్సా సరిహద్దులోని ‘మేరంగి’ గ్రామంలో జరిగిన యదార్థ సంఘటనల ఆధారంగా ఈ ఇన్వెస్టిగేటివ్ థ్రిల్లర్‌ను తెరకెక్కిస్తున్నారు.

ఏజెన్సీ ఏరియా నేపథ్యంలో సాగే ఈ కథలో షకలక శంకర్ పవర్‌ఫుల్ పోలీస్ అధికారిగా సరికొత్త నటనతో అలరించనున్నారు. కేవలం 47 రోజుల్లోనే ఒక పాట, ఒక ఫైట్ మినహా టాకీ భాగం అంతా పూర్తయింది. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. గ్రిప్పింగ్ స్క్రీన్‌ప్లే, ఊహించని ట్విస్టులతో రూపొందుతున్న ఈ చిత్రాన్ని 2026 చివరి మాసంలో గ్రాండ్‌గా విడుదల చేసేందుకు సన్నాహాలు చేస్తున్నారు. ఆర్టిస్ట్ సంపత్ కుమార్, ప్రభాకర్ చొక్కపు, సాహితీ దాసరి, వినీత కందాల కీలక పాత్రలు పోషిస్తున్న ఈ చిత్రానికి అజయ్ పట్నాయక్ సంగీతం, కిరణ్ చేబ్రోలు సినిమాటోగ్రఫీ అందిస్తున్నారు.