SS Rajamouli Reviews Ramayana: ‘రామాయణ’పై రాజమౌళి రివ్యూ వైరల్! ఏమన్నారంటే?

SS Rajamouli Reviews Ramayana: భారతీయ చలనచిత్ర రంగాన్ని ప్రపంచ స్థాయికి తీసుకెళ్లిన దర్శకధీరుడు ఎస్.ఎస్.రాజమౌళి ప్రశంసించారంటే ఆ సినిమా స్థాయి ఎక్కడికో వెళ్లిపోతుంది. తాజాగా ఆయన అత్యంత భారీ బడ్జెట్‌తో ప్రతిష్ఠాత్మకంగా తెరకెక్కిన ‘రామాయణ’ చిత్రాన్ని చూసి తనదైన శైలిలో ప్రశంసల వర్షం కురిపించారు. బిగ్ స్క్రీన్ మీద సినిమా విజువల్స్, మేకింగ్ స్కేల్ చూసి మైండ్ బ్లాక్ అయిందని, కళ్లముందు ఓ సరికొత్త విజువల్ వండర్‌ను చూశానని ఆయన పేర్కొన్నారు. సినిమాలో ముఖ్యంగా రాకింగ్ స్టార్ యశ్ పోషించిన లంకాధిపతి ‘రావణాసురుడి’ పాత్రపై జక్కన్న ప్రత్యేకంగా స్పందించారు. స్క్రీన్ మీద యశ్ ఎంట్రీ, ఆయన ఆహార్యం, ఆ భయంకరమైన నటన వెన్నులో వణుకు పుట్టించేలా ఉన్నాయని కొనియాడారు. రావణుడి పాత్రకు యశ్ తెచ్చిన గాంభీర్యం సినిమా మొత్తానికే హైలైట్‌గా నిలిచిందని పేర్కొన్నారు.

ఇక శ్రీరాముడిగా రణబీర్ కపూర్ నటన అత్యంత ప్రశాంతంగా ఉంటూనే అద్భుతమైన తేజస్సుతో ఆకట్టుకుందని తెలిపారు. కథలో ముఖ్యంగా వనవాసం ఘట్టం మొదలైన దగ్గరి నుంచి రణబీర్ చూపించిన వేరియేషన్స్, రాజసం కట్టిపడేస్తాయని మెచ్చుకున్నారు. మరోవైపు సీతాదేవి పాత్రలో సాయి పల్లవి తనదైన సహజ నటనతో, హుందాతనంతో ప్రాణం పోసిందని అభినందించారు. చిత్రంలో ప్రీ క్లైమాక్స్, క్లైమాక్స్ సన్నివేశాలు ప్రతి ఒక్క క్షణం అద్భుతంగా వచ్చాయని, ప్రతి ఫ్రేమ్‌ను ఎంతో ఎంజాయ్ చేశానని జక్కన్న తెలిపారు. ఇంతటి ప్రతిష్ఠాత్మకమైన, దృశ్య కావ్యాన్ని అద్భుతమైన సాంకేతిక ప్రమాణాలతో తెరపైకి తీసుకొచ్చిన దర్శకుడు నితీష్ తివారి, నిర్మాత నమిత్ మల్హోత్రాలతో పాటు చిత్ర బృందానికి రాజమౌళి అభినందనలు తెలియజేశారు. జక్కన్న ఇచ్చిన ఈ అదిరిపోయే రివ్యూతో ‘రామాయణ’ సినిమాపై ఉన్న హైప్ మరింత పెరిగింది.

#Ramayana… the sheer scale of the film and the visuals on the big screen are spectacular to watch.

Ranbir as Rama, especially from the Vanavasam onwards, is serene yet magnificent. Yash brings a menacing presence as Ravana, while Sai Pallavi is graceful as Sita. The pre-climax and climax… loved every bit of it.

Congratulations @malhotra_namit, @niteshtiwari22 and the entire team on bringing such an ambitious vision so beautifully to the screen. 🙏

— rajamouli ss (@ssrajamouli) November 5, 2026