Shah Rukh Khan: విజయ్ ఒక పిచ్చి నటుడు.. షారుఖ్ సంచలన వ్యాఖ్యలు

Shah Rukh Khan: బాలీవుడ్ బాద్షా షారుఖ్ ఖాన్ ప్రస్తుతం జవాన్ సినిమాలో నటిస్తున్న విషయం తెల్సిందే. కోలీవుడ్ స్టార్ డైరెక్టర్ అట్లీ దర్శకత్వం వహిస్తున్న ఈ చిత్రంలో నయనతార హీరోయిన్ గా నటిస్తోంది. ఇక ఈ మధ్యనే ఈ సినిమా ప్రివ్యూ ను మేకర్స్ రిలీజ్ చేశారు. ఆ వీడియోలో షారుఖ్ నట విశ్వరూపం చూపించాడు అని చెప్పడంలో ఎటువంటి అతిశయోక్తి లేదు. ఈ వీడియో చూసాకా ఇందులో దీపికా పదుకొనే, కోలీవుడ్ స్టార్ హీరోవిజయ్ గెస్ట్ అప్పీరియన్స్ ఇస్తున్నారు అన్న విషయం అధికారికంగా తెలిసిపోయింది. విజయ్- అట్లీ కాంబోలో వచ్చిన మూడు సినిమాలు సూపర్ హిట్స్. పోలీసోడు, అదిరింది, బిగిల్.. లాంటి హిట్ సినిమాలు ఇచ్చిన దర్శకుడు అట్లీ అడగగానే విజయ్.. జవాన్ లో నటించడానికి ఒప్పుకున్నాడు. ప్రస్తుతం శరవేగంగా షూటింగ్ జరుపుకుంటున్న ఈ సినిమా సెప్టెంబర్ 7 న ప్రేక్షకుల ముందుకు రానుంది. ఇప్పటికే ఓ రేంజ్ లో హైప్ క్రియేట్ చేసిన జవాన్.. విజయ్ ఉన్నాడు అని తెలియడంతో మరింత అంచనాలను పెంచేసింది.

Vaishnavi Chaitanya: ఎమోషనల్ స్పీచ్ ను కాస్తా.. కామెడీ స్పీచ్ అయ్యేలా చేసావ్ కదయ్యా

ఇక తాజాగా షారుఖ్ సోషల్ మీడియాలో అభిమానులతో చిట్ చాట్ సెషన్ ను నిర్వహించాడు. #AskSRK #jawan హ్యాష్ ట్యాగ్ తో అభిమానులు తమకు నచ్చిన ప్రశ్నలను అడుగుతుండగా.. షారుఖ్ ఎంతో ఓపిగ్గా వారికి సమాధానాలు ఇచ్చాడు. తాజాగా ఒక అభిమాని.. షారుఖ్ ను.. “నయన్ అండ్ విజయ్ తో మీ వర్క్ ఎక్స్పీరియన్స్ గురించి చెప్పండి” అది అడిగాడు. అందుకు షారుఖ్.. ” నయన్ అందరికంటే చాలా స్వీట్.. ఎంతో ప్రేమ మరియు గౌరవం.. ఇక విజయ్ సర్ ఒక అద్భుతం.. ఆయన ఒక మ్యాడ్ యాక్టర్. వీరిద్దరి నుంచి చాలా నేర్చుకోవచ్చు” అంటూ చెప్పుకొచ్చాడు. ప్రస్తుతం ఈ ట్వీట్ నెట్టింట వైరల్ గా మారింది. మరి జవాన్ తో షారుఖ్ ఎలాంటి హిట్ అందుకుంటాడో చూడాలి.

Nayan is the sweetest of them all. Too much love and respect. Vijay sir is a ‘mad’ actor in a awesome way. So much to learn from both actually. #Jawan https://t.co/HUo4yZ9r5M

— Shah Rukh Khan (@iamsrk) July 13, 2023