Vaishnavi Chaitanya: ఎమోషనల్ స్పీచ్ ను కాస్తా.. కామెడీ స్పీచ్ అయ్యేలా చేసావ్ కదయ్యా
Vaishnavi Chaitanya: ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రల్లో సాయి రాజేష్ దర్శకత్వం వహించిన చిత్రం బేబీ. మాస్ మూవీస్ బ్యానర్ పై SKN ఈ సినిమాను నిర్మించాడు. ఇప్పటికే ఈ చిత్రం నుంచి రిలీజైన పోస్టర్స్, సాంగ్స్, ట్రైలర్ ప్రేక్షకులను విశేషంగా ఆకట్టుకున్నాయి. ఇక ఈ సినిమా జూలై 14 న ప్రేక్షకుల ముందుకు రానుంది. ఈ నేపథ్యంలోనే ప్రమోషన్ల జోరును పెంచేసిన మేకర్స్.. గతరాత్రి ప్రీ రిలీజ్ ఈవెంట్ ను నిర్వహించిన విషయం తెల్సిందే. ఇక ఈ వేడుకలో వైష్ణవి చైతన్య తన గతాన్ని తలుచుకొని ఎమోషనల్ అయ్యింది. ఒక యూట్యూబర్ గా, ఇన్ఫ్లూయెన్సెర్ గా ఆమె పడిన కష్టాలను చెప్పుకొచ్చి కంటనీరు పెట్టుకుంది. ఇన్నాళ్లకు తాను మెయిన్ లీడ్ గా చేసే అవకాశం వచ్చిందని, అందుకు కారణం డైరెక్టర్ సాయి రాజేష్, నిర్మాత SKN అని ఆమె చెప్పుకొచ్చింది. అసలు మొదట్లో ఇలాంటి ఒక అవకాశం తనకు వస్తుంది అని అనుకోలేదని, తన మీద తనకే నమ్మకం లేని రోజుల్లో డైరెక్టర్ సాయి రాజేష్ తనను నమ్మాడని, తనలో బేబీ కనిపించిందని, ఈ పాత్రకు తాను అయితేనే సెట్ అవుతుందని చెప్పి దైర్యం ఇచ్చాడని తెలిపింది.
Suchitra Krishnamoorthi: ఈ రాత్రికి నాతో పడుకో.. తెల్లారి ఇంటిదగ్గర దింపుతా అన్నాడు
ఇక మొదట్లో ఒక సినిమాలో అరనిమిషం పాటు కనిపించినప్పుడే.. నా అంకున్నవారందరికి టికెట్ కొని మరీ వారికి చూపించాను.. ఇప్పుడు సినిమా మొత్తం నేనే ఉన్నాను.. ఇదంతా అవ్వడానికి కారణం సాయి రాజేష్ మరియు SKN అని చెప్పి ఎమోషనల్ స్పీచ్ ఇస్తుండగా.. అంతలోనే SKN టిష్యుస్ తీసుకువెళ్లి.. వైష్ణవి చేతికి ఇవ్వకుండా.. ఆమె కన్నీళ్లు తుడవడానికి ప్రయత్నించాడు. దీంతో అక్కడ ఉన్న అభిమానులందరూ వైష్ణవి ఎమోషనల్ స్పీచ్ ను వదిలేసి SKN… SKN కమాన్ అంటూ అరవడం మొదలుపెట్టారు. దీంతో అక్కడ నవ్వులు విసిరాయి. పాపం.. పాప ఎంతో ఎమోషనల్ గా తన కెరీర్ గురించి మాట్లాడుతుంటే.. SKN చేసిన ఒక చిన్న పని ఆ ఎమోషనల్ స్పీచ్ ను కాస్తా.. కామెడీ స్పీచ్ అయ్యేలా చేసింది. ప్రస్తుతం ఇందుకు సంబంధించిన వీడియో నెట్టింట వైరల్ గా మారింది. మరి ఈ సినిమాతో వైష్ణవి రేంజ్ ఏ రేంజ్ కు వెళ్తుందో చూడాలి.