Sarath Babu: బ్రేకింగ్.. ఆసుపత్రిలో చేరిన సీనియర్ నటుడు శరత్ బాబు

Sarath Babu: సీనియర్ నటుడు శరత్ బాబు గురించి పరిచయం చేయాల్సిన అవసరం లేదు. హీరోగా, సెకండ్ హీరోగా, సపోర్టివ్ క్యారెక్టర్స్ లో ఆయన నటించి మెప్పించాడు. ప్రస్తుతం స్టార్ హీరోలకు తండ్రిగా, గురువుగా మెప్పిస్తున్నారు. ఇక శరత్ బాబు.. అలనాటి లేడీ కమెడియన్ రమాప్రభ భర్త. వీరిద్దరూ ప్రేమించి పెళ్లి చేసుకున్నారు. ఆ తరువాత కొన్నేళ్లకే విబేధాల వలన విడిపోయారు. ఇకపోత శరత్ బాబు అస్వస్థతకు గురైనట్లు సమాచారం అందుతుంది. ఆయన చెన్నెలోని ఒక ప్రైవేట్ హాస్పిటల్ లో చికిత్స పొందుతున్నారట.

Dasara: ‘దసరా’ లో సిల్క్ స్మిత పోస్టర్ వెనుక ఇంత పెద్ద స్టోరీ ఉందా..?

ఇక ఈ విషయాన్నీ నటి కరాటే కళ్యాణి తన ఫేస్ బుక్ ద్వారా అభిమానులకు తెలిపింది. ” నాకు ఇష్టమైన హీరో.. అప్పట్లో అమ్మాయిల కలల రాకుమారుడు శరత్ బాబు గారు త్వరగా కోలుకోవాలని మనం స్వామిని వేడుకుందాం.. శ్రీరామ రక్ష” అని చెప్పుకొచ్చింది. దీంతో ఆయనకు ఏమైందో అని అభిమానులు ఆందోళన వ్యక్తం చేస్తున్నారు. అసలు ఆయన ఆరోగ్యానికి ఏం జరిగింది అనేది తెలియాల్సి ఉంది. అయినా అభిమానులు ఆయన త్వరగా కోలుకోవాలని ప్రార్థిస్తున్నారు.