యంగ్ రెబల్ స్టార్ ప్రభాస్ క‌టౌట్‌కు తగ్గట్టే కంటెంట్ సినిమాలను లైన్ లో పెట్టాడు. వరుస భారీ ప్రాజెక్ట్ సినిమాలతో ఈ స్టార్ హీరో ఉన్నంత బిజీగా ఇండియా వైడ్ గా ఎవరు లేరు. ఇప్పటికే ప్రభాస్ చేతిలో నాలుగు సినిమాలు ఉండగా.. అందులో రాధేశ్యామ్ ఒక్కటే పూర్తయ్యింది. సలార్, ఆదిపురుష్ సినిమాలు షూటింగ్ దశలో వున్నాయి. మరికొద్దిరోజుల్లోనే నాగ్ అశ్విన్ తో సినిమా ప్రారంభం కానుంది. ఇక ప్రభాస్ 25వ చిత్రం కూడా రేపు (అక్టోబర్ 7) విడుదల కానుంది. ఇప్పటికే అధికారిక ప్రకటన రాగా, దర్శకుడిపై సస్పెన్స్ కొనసాగుతోంది.
తాజా సమాచారం మేరకు డార్లింగ్ ప్రభాస్ 25వ సినిమా అర్జున్ రెడ్డి దర్శకుడు ఫేమ్ సందీప్ రెడ్డి వంగాతో చేయనున్నట్లు తెలుస్తోంది. ప్రభాస్ తో సినిమా చేయాలనీ ఎప్పటినుంచో అనుకుంటున్న సందీప్ వంగా.. కొత్త కథతో ప్రభాస్ ను ఇంప్రెస్ చేశాడట. ప్రభాస్ కు ఈ స్టోరీ బాగా నచ్చడంతో గ్రీన్ సిగ్నల్ ఇచ్చినట్లు ప్రచారం జరుగుతోంది. టీ-సిరీస్ బ్యానర్ లో ఈ సినిమా రూపొందనుంది. ఇక ప్రభాస్ 25వ సినిమా ఎవరితో అనేది కొద్దిగంటల్లో అధికారిక ప్రకటన రానుంది.
