Sam: ఖుషి తర్వాత సమంతా తెలుగు సినిమా ఏంటి?
టాలీవుడ్ లో లేడీ సూపర్ స్టార్ అనే ఇమేజ్ తెచ్చుకున్న అతి తక్కువ మంది హీరోయిన్స్ లో ‘సమంతా’ ఒకరు. గ్లామర్ హీరోయిన్ గా కెరీర్ స్టార్ట్ చేసి లేడీ ఓరియెంటెడ్ సినిమాలు చేసే వరకూ సమంతా కెరీర్ గ్రాఫ్ చాలా పెరిగింది. తెలుగులో టాప్ హీరోయిన్ గా కొనసాగుతున్న సమయంలోనే సమంతా ‘ఫ్యామిలీ మాన్ 2’ వెబ్ సిరీస్ చేసి సూపర్ సక్సస్ కొట్టింది. ఇక్కడి నుంచి నార్త్ పైన ఎక్కువ దృష్టి పెట్టిన సామ్, తెలుగులో సినిమాలు చెయ్యడం తగ్గించేసింది. ఇదే సమయంలో సమంతా ఆరోగ్యం కూడా బాగోలేకపోవడంతో సినిమాల నుంచి సమంతా పూర్తిగా దూరంగా ఉంది. దీంతో సమంతా తెలుగులో నటించట్లేదు, ఆల్రెడీ ఓకే చేసిన సినిమాలని కూడా క్యాన్సిల్ చేస్తుంది, సామ్ ఇకపై తెలుగు తెరపై కనిపించదు, బాలీవుడ్ సినిమాల్లో మాత్రమే నటిస్తుంది లాంటి మాటలు ట్విట్టర్ లో ఎక్కువగా వినిపించడం మొదలయ్యాయి. వీటిని నిజం చేసేలా, ఇటివలే మళ్లీ సినిమా పనులు మొదలు పెట్టిన సమంతా ‘CITADEL’ షూటింగ్ కి వెళ్లిపోయింది కానీ ఆల్రెడీ కొంత పార్ట్ షూటింగ్ జరుపుకున్న ‘ఖుషి’ మూవీ సెట్స్ కి రాలేదు.
Read Also: Samantha: బ్యూటీ క్వీన్ ఈజ్ బ్యాక్… #CITADEL
విజయ్ దేవరకొండ హీరోగా నటిస్తున్న ఈ మూవీకి సమంతా డేట్స్ అడ్జస్ట్ చెయ్యలేకపోతుంది అందుకే ఖుషి మూవీ డిలే అవుతుంది అనే రూమర్ సోషల్ మీడియాలో ఉంది. రీసెంట్ గా దర్శకుడు శివ నిర్వాణ, ఖుషి షూటింగ్ త్వరలో స్టార్ట్ అవుతుందని చెప్పాడు కానీ ఆ త్వరలో ఎప్పుడు అనే ప్రశ్నకి సమాధానం “సమంతా డేట్స్ ఇచ్చినప్పుడు”. యశోద సినిమా కూడా ఆల్రెడీ ఉన్న కమిట్మెంట్ కాబట్టి దాన్ని పూర్తి చేసిన సమంతా, ‘CITADEL’ పూర్తి చేసిన తర్వాత ‘ఖుషి’ మూవీని కూడా కంప్లీట్ చేసేసి ఇక కంప్లీట్ గా నార్త్ కే పరిమితం అయ్యేలా కనిపిస్తోంది. ఈ ఆలోచనతోనే సమంతా ఒక్క తెలుగు సినిమాకి కూడా సైన్ చెయ్యలేదని ఫిల్మ్ నగర్ వర్గాల్లో వినిపిస్తున్న మాట. సమంతా చేతిలో ప్రస్తుతం రిలీజ్ కి రెడీగా ఉన్న ‘శాకుంతలం’, షూటింగ్ కి వెళ్లాల్సిన ‘ఖుషి’, షూటింగ్ స్టార్ట్ అయిన ‘CITADEL’, అనౌన్స్మెంట్ కి రెడీగా ఉన్న మరో రెండు బాలీవుడ్ ప్రాజెక్ట్స్ ఉన్నాయి. వీటిలో ‘ఖుషి’ మూవీ మాత్రమే తెలుగు ప్రాజెక్ట్ ఇది తప్ప సమంతా మరో సినిమాకి ఓకే చెప్పిన రూమర్స్ కూడా ఎక్కడా వినిపించట్లేదు. సో దాదాపు సమంతా ఇకపై పాన్ ఇండియా సినిమాల రూపంలో తెలుగు ప్రేక్షకుల ముందుకి వస్తుందేమో కానీ స్ట్రెయిట్ తెలుగు సినిమాలో నటించడానికి మాత్రం ఇప్పట్లో సిద్ధంగా ఉన్నట్లు లేదు.