బాలీవుడ్ బోల్డ్ బ్యూటీనే వెనక్కినెట్టిన సమంత.. ఏ మాత్రం తగ్గేదేలే అంటూ
- Follow Us :
-
-
Add as a preferred
source on google
అక్కినేని నాగ చైతన్యతో విడాకుల తరువాత సమంత పేరు మారుమ్రోగిపోతుంది. వరుస విజయాలను అందుకోవడంతో పాటు అరుదైన గౌరవాలు ఆమె చెంత చేరుతున్నాయి. ఇటీవల గోవా ఫిల్మ్ ఫెస్టివల్ కి ఆహ్వానం అందుకున్న మొదటి టాలీవుడ్ హీరోయిన్ గా పేరుతెచ్చుకున్న సామ్.. ఈ ఏడాది మోస్ట్ పాపులర్ హీరోయిన్ల లిస్ట్ లో ముందంజలో ఉంది. ఇక వీటితో పాటు తాజాగా మరో మైలురాయిని అమ్మడు అందుకొంది. ఇండియన్ ఓటీటీ ప్లాట్ ఫామ్స్ లో ఈ ఏడాది అత్యత్బుత నటన కనపరిచిన నటీనటులతో సామ్ టాప్ 4 లో నిలిచింది. మనోజ్ బాజ్ పాయ్ మొదటి స్థానంలోనూ, మనోజ్ త్రిపాఠి రెండో స్థానంలో, నవాజుద్దీన్ సిద్ధిఖి మూడో స్థానంలో ఉండగా.. సామ్ నాలుగో స్థానాన్ని ఆక్రమించింది. టాప్ 5 లో బాలీవుడ్ బోల్డ్ బ్యూటీ రాధికా ఆప్టే నిలబడింది.
నెట్ ఫ్లిక్స్ కి బ్రాండ్ అంబాసిడర్ లా రాధికా ఆప్టే సినిమాలు ఉంటాయా సంగతి తెలిసిందే. ప్రతి ఏడాది రాధికా పేరే ముందంజలో ఉంటుంది. కానీ, ఈ ఏడాది రాధికను సైతం వెనక్కి నేటి సామ్ 4వ స్థానంలో ఉండడం ఆశ్చర్యకరమైన విషయం. ఈ ఏడాది విడుదలైన ‘ఫ్యామిలీ మేన్ 2 ’ లో గ్రే షెడ్స్ కలిగిన పాత్రలో సామ్ నటన ప్రేక్షకులను ఆకట్టుకొంది. రాజీ పాత్రలో సామ్ నటించింది అనడం కన్నా జీవించింది అనడంలో అతిశయోక్తి లేదు. ఈ పాత్ర ద్వారానే సామ్ ఎన్నో అవార్దులను, గౌరవాలను సొంతం చేసుకొంటుంది. ఇక టాప్ 10 లిస్ట్ లో టాలీవుడ్ హీరోయిన్లు సామ్, తమన్నా ఉండడం విశేషం.