Samantha : ‘గంగూబాయి కథియవాడి’పై సామ్ రివ్యూ… హైలెట్స్ ఇవే !

సంజయ్ లీలా భన్సాలీ దర్శకత్వంలో వచ్చిన ‘గంగూబాయి కథియవాడి’ రూపంలో అలియా భట్ మరో అద్భుత కళాఖండాన్ని ప్రేక్షకులకు అందించింది. ‘గంగూబాయి’ పాత్రలో అలియా భట్ పవర్ ఫుల్ పర్ఫార్మెన్స్ చూసి అందరూ ఆశ్చర్యపోతున్నారు. సౌత్ సెన్సేషన్ సమంత కూడా తాజాగా ఈ మూవీని చూసి సోషల్ మీడియా వేదికగా తన అభిప్రాయాన్ని వ్యక్తం చేసింది. సినిమా ‘మాస్టర్ పీస్’ అంటూ ‘గంగూబాయి కథియవాడి’ టీంపై ప్రశంసలు కురిపించింది. సమంత ఇన్‌స్టాగ్రామ్‌లో “#’గంగూబాయి కథియవాడి’ ఒక కళాఖండం!! అలియా మీ నటనను వివరించడానికి పదాలు సరిపోవు. ప్రతి ఒక్క డైలాగ్, ఎక్స్‌ప్రెషన్ నా మదిలో ఎప్పటికీ నిలిచి ఉంటుంది” అంటూ రాసుకొచ్చింది. సంజయ్ లీలా బన్సాలీ దర్శకత్వం వహించిన ఈ చిత్రం ఫిబ్రవరి 25న థియేటర్లలోకి వచ్చింది.

Read Also : Bheemla Nayak Success : పవన్ ఫుల్ ఖుషీ… టీంకు గ్రాండ్ పార్టీ

సమంతతో పాటు, సోఫీ చౌదరి, అనన్య పాండే, ఆదిత్య సీల్ వంటి ఇతర ప్రముఖులు కూడా అలియా భట్ నటనతో మ్యాజిక్ చేసింది అంటూ ఆమెను అభినందించారు. ఇదిలా ఉంటే సమంత ప్రస్తుతం తన సైన్స్ థ్రిల్లర్ ‘యశోద’ షూటింగ్‌లో ఉంది. దర్శక ద్వయం హరి అండ్ హరీష్ దర్శకత్వం వహిస్తున్న ఈ చిత్రంలో వరలక్ష్మి శరత్‌కుమార్, ఉన్ని ముకుందన్, రావు రమేష్, మురళీ శర్మ మరియు సంపత్ రాజ్‌ కీలక పాత్రలు పోషిస్తున్నారు. మరోవైపు సామ్ ‘శాకుంతలం’, ‘కాతు వాకుల రెండు కాదల్’ చిత్రాలలో కూడా కథానాయికగా నటిస్తుంది. ఫిలిప్ జాన్ ‘అరేంజ్‌మెంట్స్ ఆఫ్ లవ్’తో ఆమె ఇంటర్నేషనల్ హీరోయిన్ కాబోతోంది.