Sai Dharam Tej: క్రేజీ మల్టీ స్టారర్ రిజెక్ట్ చేసిన తేజ్
మెగా హీరో సాయి ధరమ్ తేజ్ ప్రస్తుతం చాలా సెలెక్టివ్ గా సినిమాలు చేస్తున్న సంగతి తెలిసిందే. రీసెంట్ గా ఆయన ఓ భారీ మల్టీస్టారర్ ఆఫర్ను సున్నితంగా తిరస్కరించినట్లు ఇండస్ట్రీ వర్గాల్లో ఒక వార్త చక్కర్లు కొడుతోంది. నిజానికి టాలీవుడ్లో ఓ అగ్ర హీరో నటిస్తున్న భారీ బడ్జెట్ సినిమాలో ఒక కీలక పాత్ర కోసం యంగ్ హీరో అవసరమయ్యారు. ఆ పాత్రకు సాయి ధరమ్ తేజ్ అయితే పర్ఫెక్ట్ అని భావించిన చిత్ర యూనిట్, ఆయన్ని సంప్రదించినట్లు తెలుస్తోంది. ఆ బిగ్ హీరోతో తేజ్ స్క్రీన్ షేర్ చేసుకుంటే చూడాలని ఫ్యాన్స్ కూడా ఆశపడ్డారు. కాంబినేషన్ వినడానికి చాలా టెంప్టింగ్గా ఉన్నప్పటికీ, కొన్ని కారణాల వల్ల తేజ్ ఈ ప్రాజెక్టుకు ‘నో’ చెప్పాల్సి వచ్చిందట.
Also Read : Aaya Sher: తొమ్మిది దేశాల్లో ‘ఆయా షేర్’ హవా
తేజ్ ఈ సినిమాను రిజెక్ట్ చేయడానికి ప్రధానంగా రెండు కారణాలు కనిపిస్తున్నాయి. ప్రస్తుతం తేజ్ ఒప్పుకున్న ప్రాజెక్టుల వల్ల డేట్స్ అడ్జస్ట్ చేయడం కష్టంగా మారింది. తేజ్ ప్రస్తుతం ‘సంబరాల ఏటి గట్టు’ అనే పీరియడ్ డ్రామాలో నటిస్తున్నారు. ఈ సినిమా కోసం ఆయన ఒక ప్రత్యేకమైన గెటప్ను మెయింటైన్ చేస్తున్నారు. ఒకవేళ ఇప్పుడు మరో సినిమా ఒప్పుకుంటే, ఆ గెటప్ మార్చాల్సి ఉంటుంది. అది ప్రస్తుత సినిమా షూటింగ్పై ప్రభావం చూపుతుందని ఆయన భావిస్తున్నారు. ఒకే సినిమాపై ఫోకస్ పెట్టాలనే ఉద్దేశంతోనే ఈ క్రేజీ మల్టీస్టారర్ ఆఫర్ను ఆయన వదులుకున్నట్లు విశ్లేషకులు చెబుతున్నారు. మరి ‘సంబరాల ఏటి గట్టు’తో తేజ్ ఎలాంటి మ్యాజిక్ చేస్తారో చూడాలి.