Sai Dharam Tej: పవన్ ఎంట్రీ అప్పుడే.. మీ చొక్కాలు చింపుకోండి కానీ పక్కనోళ్ళవి కాదు!

Sai Dharam Tej instructions to mega fans while watching bro the movie: సుప్రీం హీరో సాయి ధరమ్ తేజ్, పవర్ స్టార్ పవన్ కళ్యాణ్ కలిసి నటించిన లేటెస్ట్ మూవీ బ్రో మరికొద్ది గంటల్లో రిలీజ్ కానుంది. ఇక ఈ సినిమాలో తేజ్ ప్రధాన పాత్రలో నటించగా పవన్ సమయం అనే ఒక ముఖ్య పాత్ర పోషించాడు. డైరెక్టర్ సముద్రఖని దర్శకత్వం వహించిన ఈ సినిమా అన్ని కార్యక్రమాలు పూర్తి చేసుకొని విడుదల కానుంది. తమిళంలో సూపర్ హిట్ అయిన వినోదయ సిత్తం సినిమాకు తెలుగు రీమేక్ గా బ్రో రూపొందగా కేతిక శర్మ, ప్రియా ప్రకాష్ వారియర్ హీరోయిన్లుగా నటించారు. తాజాగా ఈ సినిమా ప్రీ రిలీజ్ ఈవెంట్ లో సాయి తేజ్ మాట్లాడుతూ తన బైక్ యాక్సిడెంట్ గుర్తుచేసుకుని ఎమోషనల్ అయ్యాడు.

Urvashi Rautela: ఏపీ సీఎం పవన్ తో నటించడం ఆనందంగా ఉందా.. ఏమన్నావో అర్ధమవుతుందా.. ?

ఈ సినిమా కథ విని ఓకే చెప్పిన కొద్దిరోజులకే తాను ప్రమాదానికి గురయ్యానని ఆయన చెప్పుకొచ్చాడు. ముందుగా ఈ సినిమా చేయాలని పవన్ మావయ్య నాకు ఫోన్ చేసి ఈ క్యారెక్టర్ చెప్పగా నేను ఈ రోల్ చేయడమా.. ఇది కలా నిజమా అనుకున్నానని చెప్పుకొచ్చాడు. ఈ సినిమా ఒప్పుకున్న తర్వాత ప్రమాదం జరిగిందని, దాదాపు 12 రోజులు కోమాలో ఉంటే ప్రతి రోజు ఉదయం షూటింగ్‏కు వెళ్లే ముందు నా దగ్గరకు వచ్చి మావయ్య వెళ్తుండేవాడని చెప్పుకొచ్చాడు. అదంతా పక్కన పెడితే తాజాగా సాయి ధరమ్ తేజ్ పవన్, మెగా అభిమానులకు చేసిన సూచనలు వైరల్ అవుతున్నాయి. ఆయన మాట్లాడుతూ సినిమా స్టార్ట్ అయిన 10 నిమిషాల్లో కళ్యాణ్ గారి ఎంట్రన్స్ ఉంటుందని, అప్పుడు మీ చొక్కాలు మీరు చింపుకోండి గాని పక్కనోళ్ళ చొక్కాలు చింపకండి అంటూ కామెంట్ చేశారు.