Ritika Nayak : తనదైన నాజూకు అందం, సహజసిద్ధమైన అభినయంతో తెలుగు సినీ ప్రియులను కట్టిపడేస్తోంది యంగ్ అండ్ బ్యూటీఫుల్ యాక్ట్రెస్ రితికా నాయక్. తాజాగా విడుదలైన ‘కొరియన్ కనకరాజు’ (Korean Kanakaraju) చిత్రంతో ఈ భామ తన ఖాతాలో మరో విజయాన్ని నమోదు చేసుకుంది. ఈ సినిమాలో ఆమె పోషించిన పాత్రకు, తెరపై ఆమె చూపించిన స్క్రీన్ ప్రెజెన్స్ , నటనకు బాక్సాఫీస్ వద్ద ప్రేక్షకుల నుంచి, సినీ విమర్శకుల నుంచి విశేష ప్రశంసలు వెల్లువెత్తుతున్నాయి.
గ్లామర్ అండ్ పర్ఫార్మెన్స్.. థియేటర్లలో రితికా మ్యాజిక్
తెరపై ఒకవైపు మైమరిపించే గ్లామర్తో మెప్పిస్తూనే, మరోవైపు తాను పోషించే పాత్రలో ఒదిగిపోయే పర్ఫార్మెన్స్తో రితికా థియేటర్లలో మ్యాజిక్ చేస్తోంది. భావోద్వేగాలను పండించడంలోనూ, ఎంటర్టైన్మెంట్ సీన్లలో కెమిస్ట్రీ పండించడంలోనూ తన ప్రత్యేకతను చాటుకుంటోంది. ప్రతి సినిమాలోనూ విభిన్నమైన వైవిధ్యం చూపిస్తూ, ప్రేక్షకుల మనసుల్లో చెరగని ముద్ర వేస్తోంది. ‘కొరియన్ కనకరాజు’ విజయంలో ఆమె పాత్ర , నటన ప్రధాన ఆకర్షణగా నిలిచాయని టాక్ వస్తోంది.
ఐరన్ లెగ్ కాదు.. ఇండస్ట్రీకి పక్కా గోల్డెన్ లెగ్
మిరాయ్ లాంటి వరుస హిట్స్తో దూసుకుపోతుండటంతో టాలీవుడ్ నిర్మాణ వర్గాలు ఇప్పుడు రితికా నాయక్ను ఒక “లక్కీ చార్మ్”గా భావిస్తున్నాయి. ఈ చిన్నదాని అడుగుపెట్టిన ప్రతి ప్రాజెక్ట్ మంచి విజయాన్ని అందుకుంటుండటంతో, ఐరన్ లెగ్ అపోహలను పటాపంచలు చేస్తూ ఇండస్ట్రీకి ఆమె ఒక పక్కా “గోల్డెన్ లెగ్” అని నిర్మాతలు కొనియాడుతున్నారు. ఆమె ఉనికి సినిమాకు పెద్ద ప్లస్ పాయింట్గా మారుతోందని ట్రేడ్ వర్గాలు అభిప్రాయపడుతున్నాయి.
మోస్ట్ వాంటెడ్ హీరోయిన్గా క్రేజీ ఆఫర్లు
హిట్ ట్రాక్ ఎక్కిన ఈ ముద్దుగుమ్మకు ప్రస్తుతం టాలీవుడ్లో అవకాశాలు క్యూ కడుతున్నాయి. బడా బ్యానర్లు, క్రేజీ ప్రాజెక్ట్ల నుంచి ఆఫర్లు వెల్లువెత్తుతుండటంతో, రితికా నాయక్ టాలీవుడ్లో మోస్ట్ వాంటెడ్ హీరోయిన్ల జాబితాలోకి చేరిపోయింది. రాబోయే రోజుల్లో ఈ బ్యూటీ మరిన్ని భారీ విజయాలు అందుకుని స్టార్ హీరోయిన్గా స్థిరపడటం ఖాయమని టాలీవుడ్ వర్గాలు ధీమా వ్యక్తం చేస్తున్నాయి.