NTV Telugu Site icon

RGV: ఇది కాంగ్రెస్ గెలుపు కాదు.. సీఎం రేవంత్ రెడ్డి గెలుపు..

Roja Pantham
Revanth

Revanth

RGV: తెలంగాణ అసెంబ్లీ ఎలక్షన్స్ ఎన్నికల లెక్కింపు ఈరోజు జరుగుతున్న విషయం తెల్సిందే. బీఆర్ ఎస్ పదేళ్ల పాలన చూసిన తెలంగాణ జనం ఈసారి మార్పు కోరుకున్నట్లు కనిపిస్తుంది. ఉదయం నుంచి జరుగుతున్న ఓట్ల లెక్కింపులో ఈసారి బీఆర్ ఎస్ ఓటమి పాలయ్యినట్లు తెలుస్తోంది. ఎన్నడు లేనివిధంగా కాంగ్రెస్ ముందంజలో కొనసాగుతోంది. ఈ నేపథ్యంలోనే కాంగ్రెస్ నేత రేవంత్ రెడ్డిని సీఎం ను చేయనున్నట్టు తెలుస్తోంది. కొంతమంది అయితే ఇప్పటికే రేవంత్ రెడ్డి పేరు ముందు సీఎం అని యాడ్ చేసి.. సీఎం రేవంత్ రెడ్డి అంటూ సోషల్ మీడియాలో పోస్టులు పెడుతున్నారు. ఇక తాజాగా తెలంగాణ ఎన్నికలపై వివాదాస్పద దర్శకుడు రామ్ గోపాల్ వర్మ సంచలన ట్వీట్స్ చేశాడు. కాంగ్రెస్ కు శుభాకాంక్షలు తెలుపుతూ.. రేవంత్ రెడ్డిని సీఎం అని సంబోధించి షాక్ ఇచ్చాడు.

Daggubati Abhiram: సీక్రెట్ గా పెళ్లి చేసుకుంటున్న రానా తమ్ముడు..?

” హాయ్.. సోనియా గాంధీ, రాహుల్ గాంధీ.. మొదటిసారి.. ఎన్నో ఏళ్ళ తరువాత కాంగ్రెస్ పార్టీపై గౌరవం పెరిగింది. ఎందుకంటే రేవంత్ రెడ్డి సీఎం కాబోతున్నారు” అని ఒక ట్వీట్ లో పేర్కొనగా.. మరొక ట్వీట్ లో.. ” మిగతా అన్ని రాష్ట్రాల్లో కాంగ్రెస్ ఓడిపోయింది.. ఒక్క తెలంగాణలోనే గెలిచింది కాబట్టి తెలంగాణలో రేవంత్ రెడ్డి గెలుపు తప్ప కాంగ్రెస్ గెలుపు కాదు. బాహుబలి లాంటి రేవంత్ ఉన్నందుకు సోనియా గాంధీ, రాహుల్ గాంధీకి ధన్యవాదాలు తెలపాలి” అని రాసుకొచ్చాడు. ఇక చివరగా.. ” తెలంగాణ రాష్ట్ర ముఖ్యమంత్రి రేవంత్ రెడ్డి.. నిన్ను చూస్తే గర్వంగా ఉంది. వారియర్ కింగ్ రేవంత్ రెడ్డి. హే రేవంత్ రెడ్డి.. టేక్ ఏ బౌ” అంటూ చెప్పుకొచ్చాడు. ప్రస్తుతం ఈ ట్వీట్స్ నెట్టింట వైరల్ గా మారాయి.