Prabhas : రెబల్ స్టార్ ప్రభాస్ ‘స్పిరిట్’ కు ముహూర్తం ఫిక్స్

ఇప్పటి వరకు సందీప్ రెడ్డి వంగ చేసిన సినిమాలు ఒక ఎత్తైతే ప్రభాస్ స్పిరిట్ మరో ఎత్తు అనేలా రాబోతోంది. చెప్పాలంటే అనిమల్‌లో సందీప్ చూపించిన వైలెన్స్‌ జస్ట్ శాంపిల్ మాత్రమే. అందులోను ఫస్ట్ టైం ప్రభాస్ పవర్ ఫుల్ పోలీస్ ఆఫీసర్‌గా కనిపించబోతున్నాడు. పైగా డ్యూయెల్ రోల్ అనే టాక్ కూడా ఉంది. ప్రభాస్ పాత్ర అల్టిమేట్‌గా ఉండబోతుందట. ఇప్పటివరకు చూడని విధంగా ప్రభాస్‌ని సరికొత్త కోణంలో చూపించబోతున్నాడట సందీప్ రెడ్డి. అందుకే స్పిరిట్ ఎప్పుడొచ్చిన సరే బాక్సాఫీస్ దగ్గర వసూళ్ల ఊచకోత కోస్తుందని ట్రేడ్ వర్గాలు లెక్కలు వేసుకుంటున్నాయి. ప్రస్తుతం ప్రీ ప్రొడక్షన్ వర్క్‌తో బిజీగా ఉన్నాడు సందీప్.

Also Read : Thandel : తండేల్ పై భారీ ఆశలు పెట్టుకున్న అక్కినేని అభిమానులు

అయితే ఈ సినిమా షూటింగ్ విషయంలో మాత్రం క్లారిటీ రావడం లేదు. వాస్తవానికైతే గతేడాది చివర్లోనే స్పిరిట్ సెట్స్ పైకి వెళ్లాల్సి ఉంది. కానీ అనుకోని కారణాల వలన వాయిదా వేశారు. రాబోయే మార్చిలో ఈ సినిమాను పూజా కార్యక్రమాలతో లాంఛనంగా ప్రారంభించబోతున్నారట. ఆ తర్వాత సమ్మర్‌లో రెగ్యూలర్ షూటింగ్‌కు వెళ్లనున్నట్టుగా తెలుస్తోంది. తాజాగా ప్రభాస్‌తో లుక్ టెస్ట్‌ షూట్ గురించి సందీప్ డిస్కస్ చేసినట్టుగా సమాచారం. అతి త్వరలోనే ప్రభాస్ టెస్ట్ కట్ ఉండనుంది. ఇక ఈ సినిమా ఫస్ట్ షెడ్యూల్‌ను షూటింగ్‌ను ఇండొనేషియా రాజధాని జకార్తాలో ప్లాన్ చేస్తున్నారట. ఇప్పటికే సందీప్ అక్కడ లొకేషన్ రెక్కీ కూడా చేసినట్టు టాక్. అక్కడ కొన్ని పోలీస్ సీన్స్ షూట్ చేయబోతున్నారట. త్వరలోనే షూటింగ్‌తో అప్డేట్‌తో పాటు స్టార్ క్యాస్టింగ్‌కు సంబంధించిన వివరాలు వెల్లడించనున్నారు మేకర్స్.