Ravi Teja Sree Vishnu: మాస్ మహారాజా రవితేజ, టాలెంటెడ్ హీరో శ్రీవిష్ణు కలిసి ఓ భారీ కామెడీ ఎంటర్టైనర్లో నటించబోతున్నారనే వార్త ఇండస్ట్రీలో హాట్ టాపిక్గా మారింది. అధికారిక ప్రకటన ఇంకా రాకపోయినా, ఈ ప్రాజెక్ట్కు సంబంధించిన ప్రచారం సినీ అభిమానుల్లో ఆసక్తిని పెంచుతోంది. ఫిల్మ్ నగర్ సమాచారం ప్రకారం, ఈ చిత్రానికి ‘రాజ రాజ చోర’, ‘స్వాగ్’ చిత్రాలతో దర్శకుడిగా గుర్తింపు తెచ్చుకున్న హసిత్ గోలి దర్శకత్వం వహించనున్నట్లు తెలుస్తోంది. తన ప్రత్యేకమైన కామెడీ ట్రీట్మెంట్, వినూత్నమైన స్క్రీన్ప్లేతో ఆకట్టుకున్న హసిత్, ఈసారి రవితేజ మాస్ ఎనర్జీని, శ్రీవిష్ణు కామెడీ టైమింగ్ను కలిపి పూర్తి స్థాయి వినోదాత్మక కథను సిద్ధం చేసినట్లు ప్రచారం జరుగుతోంది. ఈ క్రేజీ మల్టీస్టారర్ను ప్రముఖ నిర్మాత దిల్ రాజు తన శ్రీ వెంకటేశ్వర క్రియేషన్స్ బ్యానర్పై నిర్మించనున్నట్లు టాక్ వినిపిస్తోంది. భారీ బడ్జెట్తో తెరకెక్కనున్న ఈ చిత్రానికి సంబంధించిన ప్రీ ప్రొడక్షన్ పనులు ఇప్పటికే ప్రారంభమైనట్లు సమాచారం. స్క్రిప్ట్కు తుది మెరుగులు దిద్దుతూ, అధికారిక ప్రకటనకు చిత్రబృందం సిద్ధమవుతోందని తెలుస్తోంది.
ఇక ఈ సినిమాను 2027 సంక్రాంతి కానుకగా విడుదల చేయాలని నిర్మాతలు లక్ష్యంగా పెట్టుకున్నట్లు తెలుస్తోంది. సంక్రాంతి సీజన్లో ఫ్యామిలీ ఆడియన్స్ నుంచి మంచి ఆదరణ లభిస్తుండటంతో, పూర్తి స్థాయి కామెడీ ఎంటర్టైనర్గా ఈ చిత్రాన్ని తీసుకురావాలనే ఆలోచనలో ఉన్నట్లు సమాచారం. ఈ కథలో రవితేజ, శ్రీ విష్ణు పాత్రలు ప్రేక్షకులను కడుపుబ్బా నవ్వించేలా ఉండనున్నాయని టాక్ వినిపిస్తోంది. అయితే ప్రస్తుతం ఈ ప్రాజెక్ట్కు సంబంధించిన వివరాలన్నీ సినీ వర్గాల్లో జరుగుతున్న ప్రచారమే. చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. హీరోలు, దర్శకుడు లేదా నిర్మాత నుంచి అధికారికంగా ప్రకటించిన తర్వాతే ఈ మల్టీస్టారర్పై పూర్తి స్పష్టత రానుంది. అయినప్పటికీ, ఈ కాంబినేషన్ నిజమైతే టాలీవుడ్లో అత్యంత ఆసక్తికరమైన ప్రాజెక్ట్లలో ఒకటిగా నిలిచే అవకాశం ఉందనే చర్చ ఇప్పటికే మొదలైంది.