Dhurandhar 2 : ప్రీమియర్స్’తో షేక్ చేయనున్న దురంధర్ 2

రణ్‌వీర్ సింగ్ పవర్ ప్యాక్డ్ పర్ఫార్మెన్స్‌తో వెండితెరపై సృష్టించిన సునామీ బాక్సాఫీస్ లెక్కలను తిరగరాస్తోంది, ఆయన నటించిన లేటెస్ట్ సెన్సేషన్ ‘ధురంధర్-2’ విడుదలకు ముందే సరికొత్త చరిత్రను లిఖించింది. కేవలం ప్రీమియర్ షోల ద్వారానే ఈ చిత్రం సాధించిన వసూళ్లు ఇప్పుడు ఇండస్ట్రీ వర్గాలను విస్మయానికి గురిచేస్తున్నాయి. నేషనల్ మీడియా కథనాల ప్రకారం.. భారతీయ సినిమా చరిత్రలో ప్రీమియర్స్ ద్వారా అత్యధిక వసూళ్లు సాధించిన చిత్రంగా ‘ధురంధర్-2’ సరికొత్త రికార్డు నెలకొల్పింది. ఈ సినిమా ప్రపంచవ్యాప్తంగా ప్రీమియర్ల ద్వారా ఏకంగా ₹75 కోట్లు కొల్లగొట్టి టాప్ పొజిషన్‌కు చేరుకుంది.

Also Read:Samantha : హాయ్ పచ్చడి చేశా.. భర్తతో సమంత వీడియో వైరల్

కేవలం భారత్‌లోనే కాకుండా ఓవర్సీస్ మార్కెట్‌లోనూ రణ్‌వీర్ మ్యాజిక్ వర్కవుట్ అయ్యింది. భారత దేశవ్యాప్తంగా ప్రీమియర్ షోల ద్వారానే ₹52.50 కోట్ల గ్రాస్ వసూళ్లను రాబట్టి సత్తా చాటింది. విదేశాల్లో కూడా ఈ చిత్రం రికార్డుల వేటను కొనసాగించింది. సుమారు $2.5 మిలియన్ల వసూళ్లతో అత్యధిక కలెక్షన్లు సాధించిన ఇండియన్ మూవీగా నిలిచింది. ఈ ప్రభంజనంతో గతంలో ఉన్న భారీ రికార్డులన్నీ కనుమరుగయ్యాయి. ముఖ్యంగా మోస్ట్ అవేటెడ్ మూవీస్ అయిన ‘OG’ సాధించిన ₹25 కోట్ల మార్కును, అలాగే గ్లోబల్ వైడ్‌గా సెన్సేషన్ క్రియేట్ చేసిన ‘యానిమల్’ ($1.2 మిలియన్లు) రికార్డులను ‘ధురంధర్-2’ మట్టికరిపించింది. రణ్‌వీర్ సింగ్ తన ఎనర్జిటిక్ పర్ఫార్మెన్స్‌తో బాక్సాఫీస్ వద్ద ఒక “గ్లోబల్ ఐకాన్”గా అవతరించారని ఈ లెక్కలు స్పష్టం చేస్తున్నాయి. ఫుల్ రన్ ముగిసే సమయానికి ఈ చిత్రం ఇంకెన్ని అద్భుతాలు సృష్టిస్తుందో చూడాలి.