డానియల్ శేఖర్ కోసం రానాకి 4 కోట్లు!?

మలయాళంలో సూపర్ హిట్ అయిన ‘అయ్యప్పనుమ్ కోషియుమ్’ తెలుగులో రీమేక్ చేయటానికి పవన్ కళ్యాణ్ అంగీకరించగానే రెండో హీరో పాత్ర పోషించేది ఎవరనే ఆసక్తి అందరిలోనూ ఏర్పడింది. చివరకు సినిమా ఎనౌన్స్ కావటం, పృథ్వీరాజ్ పోషించిన పాత్రను తెలుగులో రానా పోషిస్తుండటం ఒకదాని వెంట ఒకటి జరిగిపోయాయి. ఇక ఈ సినిమాకు త్రివిక్రమ్ రచన చేస్తుండటంలో ఆ అంచనాలు మరింతగా పెరిగాయి. పవన్ కళ్యాణ్ హీరోగా నటిస్తుండటంతో టైటిల్ ‘భీమ్లా నాయక్‌’ అని పెట్టారు. అయితే దీంతో తెలుగులో స్క్రిప్ట్ మొత్తం మారి వన్ సైడ్ గా ఉంటుందనే వాదనలు సోషల్ మీడియాలో మొదలయ్యాయి. అయితే నిర్మాత ఈ విషయమై ట్విటర్ లో మొత్తం చూసిన తర్వాత కామెంట్స్ పెట్టాలనడంతో సెకండ్ హీరో రానా పోషిస్తున్న డానియల్ శేఖర్ కూడా ప్రాధాన్యత ఉంటుందని అర్ధం అయింది. రానా ఈ సినిమా కోసం 25 డేస్ కాల్షీట్స్ ఇచ్చాడట. అంతే కాదు దాదాపు 4 కోట్ల పారితోషికం కూడా తీసుకుంటున్నాడట. నిజానికి సోలో హీరోగా రానాకు చెప్పుకోదగ్గ హిట్స్ లేవు.

అయినా తను డిమాండ్ చేసిన దానికి నిర్మాతలు ఓకె చెప్పటానికి కూడా కారణం ఉంది. ఇప్పుడున్న యువ హీరోలు ఈ పాత్రను పోషించాటానికి ఇష్టపడ లేదట. అందుకే రానా దానిని క్యాష్ చేసుకున్నాడని అంటున్నారు. అయితే ఏమాటకు ఆ మాట చెప్పాలి. విడుదలైన రానా ‘డానియల్ శేఖర్’ టీజర్ కి అద్భుతమైన స్పందన లభిస్తోంది. ఒరిజినల్ వెర్షన్ లో ఉన్నట్లే ఈ పాత్రను తీర్చిదిద్దితే మాత్రం తప్పకుండా రానాకు కూడా మంచి పేరు వచ్చే అవకాశం లేకపోలేదు. చూద్దాం… ఏం జరుగుతుందో!?