Ram Pothineni : రామ్ కూడా ఆ పని మొదలెట్టాడా?

టాలీవుడ్ యంగ్ హీరో ఎనర్జిటిక్ స్టార్ రామ్ పోతినేని గురించి ప్రత్యేక పరిచయాలు అవసరం లేదు.. గతంలో చేసిన సినిమాలు ఒకలెక్క ఇప్పుడు చేస్తున్న సినిమాలు ఒకలెక్క.. అందులో ఇస్మార్ట్ శంకర్ సినిమాతో మాస్ హీరోగా పేరు తెచ్చుకున్నాడు.. ప్రస్తుతం ఆ సినిమాకు సీక్వెల్ గా డబుల్ ఇస్మార్ట్ సినిమాలో నటిస్తున్నాడు.. ఈ సినిమా కోసం ఫ్యాన్స్ ఈగర్ గా వెయిట్ చేస్తున్నారు.. తాజాగా రామ్ డిజిటల్ ప్రపంచంలోకి ఎంట్రీ ఇవ్వనున్నాడనే వార్త వినిపిస్తుంది..

డబుల్ ఇస్మార్ట్ సినిమా షూటింగ్ ఇంకా పూర్తి కాలేదు.. అదిగో ఇదిగో అంటూ సినిమా షూటింగ్ వాయిదా పడుతూ వస్తుంది.. ఎట్టకేలకు ఇటీవలే సెట్స్ పైకి తీసుకెళ్లి పునరుద్ధరించేశారు. మణిశర్మ స్వరపరిచిన రెండు మూడు పాటలతో పాటు కొంత టాకీ పార్ట్ మినహా మొత్తం పూర్తయ్యిందని టాక్.. అలాగే ఇటీవల భారీ ధరకు ఓటీటీ రైట్స్ అమ్ముడు పోయాయి.. దాంతో ఫ్యాన్స్ లో టెన్షన్ తీరిపోయింది. త్వరలోనే విడుదల కాబోతుందని క్లారిటీ వచ్చేసింది.. అధికార ప్రకటన రావాల్సి ఉంది..

ఇదిలా ఉండగా.. రామ్ డిజిటల్ వరల్డ్ లో ఎంట్రీ ఇస్తున్నాడని ఓ వార్త ఇండస్ట్రీని షేక్ చేస్తుంది. రానా నాయుడు తరహాలో నెట్ ఫ్లిక్స్ తనతో ఒక భారీ బడ్జెట్ వెబ్ సిరీస్ ప్లాన్ చేయాలనుకుంటోందట.. కథ నచ్చితే వెంటనే పట్టాలెక్కించేలా ప్రణాళిక సిద్ధం చేస్తారట. ఒకవేళ రామ్ ఓకే అంటే ఇక వెంటనే ఆ పని మొదలు పెట్టేస్తారట.. నాగ చైతన్య సైతం ధూత తో మంచి టాక్ ను అందుకున్నాడు.. ఇక డబుల్ ఇస్మార్ట్ మీద బోలెడు నమ్మకం పెట్టేసుకున్నాడు.. ఈ సినిమా హిట్ అవుతుందని ఆయన ఫ్యాన్స్ కూడా అభిప్రాయ పడుతున్నారు..