Ram Chran: తమ్ముడికి స్పెషల్ గా బర్త్ డే విషెస్ చెప్పిన చరణ్
Ram Chran: మెగా బ్రదర్స్ చిరంజీవి, నాగబాబు, కళ్యాణ్ బాబు మధ్య ఎలాంటి అనుబంధం అయితే ఉందో.. అదే అనుబంధాన్ని వారి వారసులు కంటిన్యూ చేస్తున్నారు. మెగా కజిన్స్ ఎప్పుడు కలిసినా ఒక పండుగే అని చెప్పడంలో ఎటువంటి అతిశయోక్తి కాదు. చిరు వారసులు రామ్ చరణ్, సుస్మిత, శ్రీజ.. నాగబాబు వారసులు వరుణ్ తేజ్, నిహారిక.. పవన్ వారసులు అకీరా, ఆద్య, అంజన, పవనోవిచ్ లతో పాటు మెగా మేనలుళ్లు కూడా స్నేహితులుగా కలిసిమెలిసి ఉంటారు. ఒకరి కోసం మరొకరు అన్నట్లు ఉండే మెగా కజిన్స్ అంటే మెగా అభిమానులకు కూడా ఇష్టమే. ఇక ఒకరి పుట్టినరోజు వస్తే మరొకరు ఎంతో స్పెషల్ గా విషెస్ చెప్తూ ఉంటారు.
Tarakratna: కబాలిగా మారిన ఎన్టీఆర్.. గుర్తుపట్టారా..?
తాజాగా నేడు మెగా ప్రిన్స్ వరుణ్ తేజ్ పుట్టినరోజుకు..అన్న చరణ్ ఎంతో ప్రత్యేకంగా పుట్టినరోజు శుభాకాంక్షలు తెలిపాడు. చిన్నప్పుడు వరుణ్ ను చరణ్ ఎత్తుకున్న ఫోటోను షేర్ చేస్తూ.. ” వరుణ్ తేజ్.. పుట్టినరోజు శుభాకాంక్షలు.. నీకు ఎల్లప్పుడు ఆరోగ్యం, విజయం ఉండాలని కోరుకుంటున్నాను” అని చెప్పుకొచ్చాడు. ప్రస్తుతం ఈ ఫోటో నెట్టింట వైరల్ గా మారింది. ఇకపోతే ప్రస్తుతం ఈ ఇద్దరు హీరోలు వరుస సినిమాలతో బిజీగా మారారు. రామ్ చరణ్ చేతిలో 6 సినిమాలు ఉండగా.. వరుణ్ చేతిలో 3 సినిమాలు ఉన్నాయి. మరి ఈ అన్నదమ్ములు ముందు ముందు ఇంకెలాంటి పేరును తెచ్చుకుంటారో చూడాలి.