Ram Charan: అఖిల్‌ తోనే బోణీ… రామ్ చరణ్ మాస్టర్ ప్లాన్

అక్కినేని ప్రిన్స్ అఖిల్ అక్కినేని కెరీర్ ఆశించిన స్థాయిలో ముందుకి సాగట్లేదు. ఇప్పటివరకూ అయిదు సినిమాలు చేస్తే అందులో ఒకటే హిట్ అయ్యింది. ఇటీవలే సురేందర్ రెడ్డితో కలిసి స్పై యాక్షన్ ఎంటర్టైనర్ ‘ఏజెంట్’ సినిమా చేసాడు కానీ రిజల్ట్ తేడా కొట్టింది. బాక్సాఫీస్ దగ్గర బోల్తా కొట్టిన ఈ మూవీ అన్ని సెంటర్స్ లో బయ్యర్స్ కి నష్టాలు మిగిలించింది. దీంతో అఖిల్ అక్కినేని మార్కెట్ కి ఊహించని డెంట్ పడింది. ఏజెంట్ పై భారీ ఆశలు పెట్టుకున్న అక్కినేని అభిమానులకి నిరాశ తప్పలేదు. కెరీర్ ని కష్టాల్లో పడేసిన ఏజెంట్ సినిమా నుంచి అఖిల్ ని బయటకి తెస్తూ మెగా పవర్ స్టార్ రంగంలోకి దిగాడట. ఏజెంట్ సినిమాను చరణ్ వంతుగా ప్రమోట్ చేశాడు చరణ్‌ కానీ సినిమా తేడా కొట్టింది. ఇలా కాదని ఈసారి ఏకంగా చరణ్ రంగంలోకి దిగాడని సమాచారం

చరణ్, అఖిల్ మధ్య మంచి ఫ్రెండ్షిప్ ఉంది. అందుకే ఇప్పుడు అఖిల్‌కు హిట్ ఇవ్వడం కోసం చరణ్ నిర్మాతగా మారనున్నాడు. యువి క్రియేషన్స్ ప్రొడ్యూసర్స్‌లో ఒకరైన విక్రమ్‌తో కలిసి.. చరణ్ కొత్త బ్యానర్ ‘వి మెగా పిక్చర్స్’ని స్టార్ట్ చేసాడు. ఈ బ్యానర్లో రానున్న ఫస్ట్ ఫిల్మ్ అఖిల్‌ దేనని అంటున్నారు. చాలా రోజులుగా అఖిల్ యూవీ క్రియేషన్స్‌లో కొత్త దర్శకుడితో సినిమా చేయబోతున్నట్టు వార్తలు వస్తునే ఉన్నాయి. ఆ వార్తలు చరణ్ ప్రొడ్యూస్ చేయనున్న ప్రాజెక్ట్‌ గురించే అంటున్నారు. పాన్ ఇండియా రేంజ్‌లో భారీ బడ్జెట్‌తో ఈ సినిమా ఉంటుందని సమచారం. త్వరలోనే దీనికి సంబంధించిన అధికారిక ప్రకటన రానుందట. చరణ్ ప్రొడక్షన్ అంటే మెగా అభిమానుల సపోర్ట్ ఖచ్చితంగా ఉంటుంది, అక్కినేని ఫాన్స్-మెగా ఫాన్స్ కలిసి ఈసారి అఖిల్ కి సాలిడ్ హిట్ ఇస్తారేమో చూడాలి.