Ram Charan: నాన్న, బాబాయ్‌ని చూసి కంట తడి పెట్టిన రామ్ చరణ్!!

Ram Charan Emotional On Seeing Chiranjeevi & Pawan Kalyan: ఈరోజు పవన్ కళ్యాణ్ ప్రమాణ స్వీకారం అనంతరం ఒక అరుదైన దృశ్యం చోటుచేసుకుంది. పవన్ కళ్యాణ్ ప్రమాణస్వీకారం పూర్తి అయిన వెంటనే మోడీని కలిశారు. మోడీ చిరంజీవి ఎక్కడ అని అడిగితే పవన్ కళ్యాణ్ చిరంజీవి దగ్గరికి మోడీని తీసుకువెళ్లారు. దీంతో మోడీని మెగాస్టార్ చిరంజీవి చేతిని మరో పక్క పవర్ స్టార్ పవన్ కళ్యాణ్ చేతిని పట్టుకొని పైకెత్తి ప్రజలందరికీ అభివాదం చేశారు. ఈ దృశ్యం సోషల్ మీడియాలో విపరీతంగా వైరల్ అవుతుంది. ఇలాంటి దృశ్యం చూడగలమని ఎప్పుడూ అనుకోలేదంటూ మెగా అభిమానులు కామెంట్ చేస్తున్నారు. ఇది ఒక అరుదైన ఘట్టం అంటూ వాళ్ళు సోషల్ మీడియాలో ఒకరకంగా పండుగ జరుపుకుంటున్న పరిస్థితి కనిపిస్తోంది.

Modi-Pawan Kalyan: మోడీతో మెగా బ్రదర్స్‌.. చేతులు పట్టుకొని ప్రజలకు అభివాదం!

అయితే ఇదే క్రమంలో వారిద్దరి చేతులను ప్రధాని మోదీ పైకి ఎత్తి అభివాదం చేస్తున్న సమయంలో రామ్ చరణ్ తేజ ఎమోషనల్ అవుతూ కనిపించాడు. ఆయన కంట తడి కూడా వీడియోలలో కనిపిస్తోంది. దీంతో వారిద్దరిని చూసి రామ్ చరణ్ కంటతడి పెట్టాడంటూ సోషల్ మీడియాలో అభిమానులు కామెంట్స్ చేస్తున్నారు. పవన్ ప్రమాణ స్వీకారానికి మెగాస్టార్ చిరంజీవి ప్రత్యేక విమానంలో గన్నవరం వెళ్లారు. మరొక పక్క రామ్ చరణ్ తేజ సినిమా షూటింగ్ ఆపుకొని మరీ ప్రమాణ స్వీకారానికి హాజరయ్యారు. ప్రస్తుతం రామ్ చరణ్ తేజ హీరోగా నటిస్తున్న గేమ్ చేంజర్ సినిమా షూటింగ్ రాజమండ్రి పరిసర ప్రాంతాల్లో జరుగుతోంది. బొబ్బర్లంక గ్రామంలో ఈ షూటింగ్ జరుగుతున్నట్లుగా చెబుతున్నారు. శంకర్ దర్శకత్వంలో ఈ సినిమా తెరకెక్కుతోంది. త్వరలోనే ప్రేక్షకులు ముందుకు పాన్ ఇండియా లెవెల్లో రిలీజ్ కాబోతోంది.