Rajini – Sharukh: రజనీకాంత్‌, షారూక్‌ ఖాన్‌ కాంబినేషన్‌ వర్కవుట్ అవుతుందా?

సినిమా ప్రపంచంలో అసాధ్యం అనుకున్న కాంబినేషన్లు తెరపైకి వచ్చినప్పుడు వచ్చే కిక్కే వేరు. ఒకప్పుడు రజనీకాంత్, కమల్ హాసన్ కలిసి నటిస్తే చూడాలని దశాబ్దాలుగా అభిమానులు కలలు కన్నారు. అది ఇప్పుడు మెల్లగా సాకారం అవుతున్న వేళ, అంతకు మించిన మరో మెగా డ్రీమ్ కాంబినేషన్ గురించి ఇప్పుడు ఇండస్ట్రీలో ఒక క్రేజీ టాక్ మొదలైంది. దక్షిణాది ‘సూపర్ స్టార్’ రజనీకాంత్ మరియు బాలీవుడ్ ‘బాద్‌షా’ షారూక్ ఖాన్‌లను ఒకే ఫ్రేమ్‌లో చూడాలన్నది కోట్లాది మంది అభిమానుల కోరిక. ఇప్పుడు ఆ కోరికను నిజం చేసే బాధ్యతను సెన్సేషనల్ డైరెక్టర్ నెల్సన్ దిలీప్ కుమార్, రాక్ స్టార్ అనిరుధ్ రవిచందర్ భుజాన వేసుకున్నట్లు తెలుస్తోంది.

Also Read:Tollywood : యూట్యూబ్‌ను షేక్ చేస్తోన్న మాస్ బీట్ సాంగ్స్

ఇటీవల ఒక ఇంటర్వ్యూలో అనిరుధ్‌ను “మీ డ్రీమ్ కాంబినేషన్ ఏంటి?” అని అడిగితే, ఆయన ఏమాత్రం ఆలోచించకుండా రజనీకాంత్, షారూక్ ఖాన్ పేర్లు చెప్పారు. ఈ ఇద్దరు దిగ్గజాలను ఒకే సినిమాలో చూపిస్తూ తాను సంగీతం అందించడమే తన జీవిత లక్ష్యమని ఆయన పేర్కొన్నారు. షారూక్ కెరీర్‌లోనే బిగ్గెస్ట్ హిట్ అయిన ‘జవాన్’కు, రజనీకి సెకండ్ ఇన్నింగ్స్ ఇచ్చిన ‘జైలర్’కు అనిరుధే సంగీతం అందించడం విశేషం. వరుస ఫ్లాపుల్లో ఉన్న రజనీకాంత్‌కు ‘జైలర్’తో హిమాలయమంత విజయాన్ని అందించిన నెల్సన్, ఇప్పుడు ‘జైలర్ 2’ పనుల్లో బిజీగా ఉన్నారు. అయితే, రజనీ మరియు షారూక్‌లను కలిపే ఆ అద్భుతమైన కథను నెల్సన్ ఇప్పటికే సిద్ధం చేసినట్లు సమాచారం. ఈ లెజెండ్రీ కాంబినేషన్ సినిమాను 2027లో సెట్స్‌పైకి తీసుకెళ్లాలని ప్లాన్ చేస్తున్నారు. రజనీకాంత్, షారూక్ ఖాన్ గతంలో కొన్ని సినిమాల్లో అతిథి పాత్రల్లో మెరిసినా, పూర్తిస్థాయిలో కలిసి నటించి దాదాపు 47 ఏళ్లు దాటిపోయింది. ఇప్పుడు మళ్ళీ వీరిద్దరూ కలిసి నటిస్తున్నారన్న వార్త కేవలం సౌత్ లోనే కాదు, నార్త్ లో కూడా పెను సంచలనంగా మారింది.