‘వరల్డ్ ఆఫ్ సేనాపతి”… ఉత్కంఠభరితంగా క్రైమ్ థ్రిల్లర్ ట్రైలర్

ప్రముఖ సీనియర్ నటుడు రాజేంద్ర ప్రసాద్ ఓటిటి స్పేస్‌లోకి “సేనాపతి” అనే వెబ్ ఫిల్మ్‌తో అరంగేట్రం చేయబోతున్నారు. ఈ వెబ్ మూవీ డిసెంబర్ 31న ఆహా ప్లాట్‌ఫామ్‌లో ప్రసారం కానుంది. తాజాగా ‘వరల్డ్ ఆఫ్ సేనాపతి’ పేరుతో ఒక వీడియోను మేకర్స్ రిలీజ్ చేశారు. ఈ ట్రైలర్ ను చూస్తుంటే మేకర్స్ వీక్షకుల కోసం ఒక గ్రిప్పింగ్ క్రైమ్ కథతో ప్రేక్షకులను థ్రిల్ చేయబోతున్నారని స్పష్టం అవుతోంది. 2.31 నిమిషాల పాటు సాగే ఈ వీడియోలో క్రూరమైన నేరస్తుల ముఠా మధ్యలో చిక్కుకునే చురుకైన కుటుంబ వ్యక్తిగా రాజేంద్ర ప్రసాద్ పాత్రను పరిచయం చేశారు. ఈ క్రైమ్ వరల్డ్ నుండి బయటకు రావడానికి ఆయన తన తెలివిని ఎలా ఉపయోగిస్తాడు ? అనేది సేనాపతి కథాంశం.

https://ntvtelugu.com/f3-movie-release-posponed-to-april-29th/

నరేష్ అగస్త్య, జ్ఞానేశ్వరి కాండ్రేగుల, హర్షవర్ధన్ మరియు రాకేందు మౌళి కీలక పాత్రల్లో నటిస్తున్న సేనాపతిలో రాజేంద్ర ప్రసాద్ విభిన్నమైన లుక్ లో కనిపించారు. గతంలో ‘ప్రేమ ఇష్క్ కాదల్’, ‘సావిత్రి’ చిత్రాలకు దర్శకత్వం వహించిన పవన్ సాదినేని ఈ వెబ్ ఫిలింకు దర్శకత్వం వహించగా ఈ చిత్రాన్ని గోల్డ్ బాక్స్ ఎంటర్‌టైన్‌మెంట్స్ పతాకంపై సుస్మిత కొణిదెల మరియు విష్ణు ప్రసాద్ నిర్మించారు.