సెప్టెంబర్ 28 దగ్గర పడుతోంది… అయినా ఇప్పటి వరకు సలార్ నుంచి ఎలాంటి అప్డేట్స్ బయటికి రావడం లేదేంటి? అనుకుంటున్న సమయంలో… పోస్ట్ పోన్ చేసి బిగ్ షాక్ ఇచ్చారు సలార్ మేకర్స్ లేకుంటే ఈపాటికే సలార్ బాక్సాఫీస్ లెక్కలన్నీ కంప్లీట్ అయి ఉండేవి. పోస్ట్ ప్రొడక్షన్ డిలే కారణంగా డిసెంబర్ 22కి వాయిదా వేశాడు ప్రశాంత్ నీల్. మరో యాభై రోజుల్లో సలార్ థియేటర్లోకి రానుంది. ఈసారి సలార్ వాయిదా పడే ఛాన్సే లేదు. త్వరలోనే ప్రమోషన్స్ స్టార్ట్ చేయడానికి రెడీ అవుతున్నారు కానీ ఇండస్ట్రీ వర్గాల్లో మాత్రం సలార్ టీమ్‌ సెకండ్ షాక్‌కు రెడీ అవుతున్నట్టుగా వార్తలు వస్తున్నాయి. ఈసారి ఇచ్చే షాక్ సలార్ సెకండ్ పార్ట్ గురించి అని తెలుస్తోంది. ఈ సినిమా అనౌన్స్ అయినప్పుడు ఒక్కటే అయినా… టీజర్‌లో మాత్రం రెండు భాగాలుగా వస్తుందని ప్రకటించాడు ప్రశాంత్ నీల్ కానీ సెకండ్ పార్ట్ ఎప్పుడుటుందనే క్లారిటీ ఇవ్వలేదు.
లేటెస్ట్ అప్డేట్ సలార్ పార్ట్ 2 డౌట్స్ పెంచేస్తోంది. ఈ సినిమాను కేవలం సింగిల్ పార్ట్‌గానే రిలీజ్ చేసేందుకు ప్లాన్ చేస్తున్నారట. ముందుగా… రెండు భాగాలుగా అనుకున్నప్పటికీ కథ మొత్తం సింగిల్ పార్ట్‌కే సరిపోయిందట. అందుకే… సలార్ ఒక్క భాగంగానే రిలీజ్ చేస్తారని గట్టి టాక్ వినిపిస్తోంది. ఇప్పటికే… రెండో భాగంలో అనుకున్న కొన్ని సీన్లను సీజ్ ఫైర్‌లో యాడ్ చేశారని… ఓ ఐటమ్ సాంగ్ కూడా యాడ్ చేసారని ప్రచారం జరుగుతోంది. ఒకవేళ… ఇదే నిజమైతే ప్రభాస్ ఫ్యాన్స్‌కు బ్యాడ్ న్యూస్ అనే చెప్పాలి కానీ సినిమా రిలీజ్ అయితే గానీ… ఈ విషయంలో క్లారిటీ రాదు. మరి ప్రశాంత్ నీల్ అసలు ప్లానింగ్ ఎలా ఉందో చూడాలి.