ప్రేమ నుంచి ‘పాగల్’ అయిపోయిన పాటొచ్చింది!

టాలీవుడ్ యువ హీరో విశ్వక్‌ సేన్‌ నటించిన చిత్రం ‘పాగల్‌’.. నివేదా పేతురాజ్‌ కథానాయికగా నటించింది. సిమ్రన్‌ చౌదరి, మేఘాలేఖ, రాహుల్‌ రామకృష్ణ, మురళీశర్మ తదితరులు కీలక పాత్రలు పోషించారు. నరేశ్‌ కొప్పిలి దర్శకత్వం వహించిన ఈ సినిమా శనివారం ప్రేక్షకుల ముందుకు రానుంది. ఈ నేపథ్యంలో చిత్ర బృందం ప్రమోషన్ వేగం పెంచేసింది. పోస్టర్లు, ట్రైలర్, పాటలతో లవర్ బాయ్ ప్రేమ్ సినిమాపై ఆసక్తిని పెంచే ప్రయత్నాలు చేస్తున్నారు. తాజాగా ఈ చిత్రం నుంచి ‘ఆగవే.. నువ్వగానే..’ అని భావోద్వేగంతో కూడిన పాటను విడుదల చేశారు.
‘1600 మంది అమ్మాయిల్ని ప్రేమించిన ప్రేమ్.. ఒక అమ్మాయి దగ్గర మాత్రం ఆగిపోయాడు.. నువ్వూ నేనూ కలిసుండటం జరగదు, అది మనద్దరికీ మంచిది కాదు అని ఆ అమ్మాయి బదులిస్తుంది. మరి ఈ ఇద్దరి మధ్య ఏం జరిగింది? వాళ్ల ప్రేమ ఎందుకు బ్రేకప్‌ అయింది?’ తెలియాలంటే సినిమా విడుదల వరకు ఆగాల్సిందే..!