ఈ మధ్య కాలంలో సూపర్ హిట్ సినిమాలు సైతం నెలలోపే ఓటీటీలో సందడి చేయబోతున్నాయి.. ఇటీవల థియేటర్లలోకి వచ్చి బ్లాక్ బాస్టర్ హిట్ ను అందుకున్న సినిమా సైతాన్..డైరెక్టర్ వికాస్ బహ్ల్ తెరకెక్కించిన ఈ సినిమాలో తమిళ స్టార్స్ జ్యోతిక, మాధవన్ ప్రత్యేక పాత్రల్లో నటించారు.. ఈ సినిమా మార్చి 8న విడుదలై మంచి టాక్ ను అందుకుంది.. అదే జోష్ లో ఓటీటీలోకి వచ్చేందుకు రెడీ అయ్యింది.. అయితే తాజాగా ఓటీటీలోకి రావడానికి ఆలస్యం అవుతుందని టాక్..
సినిమా అంతా సరికొత్తగా అడుగడుగునా సస్పెన్స్.. కథ మొత్తం కొత్తగా ఉండటంతో సినిమా జనాలను బాగా ఆకట్టుకుంది.. దాంతో సినిమా ఏకంగా 200 కోట్ల గ్రాస్ ను రాబట్టింది.. ఇక ఈ హారర్ మూవీని ఓటీటీ రిలీజ్ కోసం ఆడియన్స్‌ ఆసక్తిగా ఎదురు చూస్తున్నారు. తాజాగా ఈ మూవీ త్వరలోనే ఓటీటీ స్ట్రీమింగ్‌కు రానుందని వార్తలు వినిపిస్తున్నాయి..
ఈ సినిమా డిజిటల్ రైట్స్ ను ప్రముఖ ప్లాట్‍ఫామ్ నెట్ఫ్లిక్స్ దక్కించుకున్న సంగతి తెలిసిందే. మే 3వ తేదీ నుంచి సైతాన్ మూవీ నెట్ఫ్లిక్స్ ఓటీటీలో స్ట్రీమింగ్ కానుందని గతంలో మేకర్స్ ప్రకటించిన విషయం తెలిసిందే.. కానీ, అనూహ్యంగా ట్విస్ట్ ఇచ్చిన నెట్ఫ్లిక్స్ ఒక రోజు ఆలస్యంగా సైతాన్ సినిమాను ఓటీటీ స్ట్రీమింగ్ చేయనుంది. మే 4 అర్థరాత్రి 12 గంటల నుంచే సినిమాను ప్రసారం చేసే అవకాశం ఉంది.తెలుగు, తమిళం, మలయాళ భాషల్లో కూడా స్ట్రీమింగ్ అవ్వనుంది.. వికాస్ బహ్ల్, జ్యోతి దేశ్‍పాండే, అజయ్ దేవ్‍గణ్, అభిషేక్ పాఠక్, కుమార్ మంగత్ పాఠక్ సంయుక్తంగా నిర్మించారు. ఈ చిత్రంలో జానకీ బోడీవాలా, అంగద్ రాజ్ ప్రధాన పాత్రలు పోషించారు.. ఇక ప్రముఖ దర్శకుడు అమిత్ త్రివేదీ సంగీతం అందించారు..