Tollywood – మరోసారి మెగా vs నందమూరి..యాదృచ్చికమే కానీ..

టాలీవుడ్ లో స్ట్రాంగ్ ఫ్యాన్ బేస్ ఉన్న ఫ్యామిలీస్ లో నందమూరి, కొణిదల హీరోలు ముందు వరుసలో ఉంటారు. ఇరివురి ఫ్యామిలీస్ నుండి ఏదైనా సినిమా రిలీజ్ అయితే ఆ హంగామా వేరు. అప్పట్లో నందమూరి బాలయ్య, మెగాస్టార్ చిరంజీవి చిత్రాలు పోటాపోటీగా విడుదలైతే థియేటర్ల వద్ద పండగ వాతారణం కనిపించేది. కటౌట్లు, పాలాభిషేకాలు హడావుడి వేర్ లెవల్ లో ఉండేది.

ఇక వారి తర్వాతి తరం jr.ఎన్టీయార్, రామ్ చరణ్ ల సినిమాల రిలీజ్ సమయంలోనూ ఇదే సెలెబ్రేషన్స్ ఉండేవి. ఇదిలా ఉండగా 2016 సెప్టెంబరులో తారక్ నటించిన జనతా గ్యారేజ్ విడుదలై ఆ సంవత్సరం అత్యధిక గ్రాస్ రాబట్టిన చిత్రంగా నిలిచింది. అదే ఏడాది డిసెంబరులో మెగా పవర్ స్టార్ నటించిన ధ్రువ విడుదలై సూపర్ హిట్ సాధించింది. ఇక 2017 సంక్రాంతి కానుకగా బాలయ్య నటించిన గౌతమి పుత్ర శాతకర్ణి , చిరు కమ్ బ్యాక్ ఫిల్మ్ ఖైదీ నం.150 పోటాపోటీగా రిలీజ్ కాగా రెండు సూపర్ హిట్ గా నిలిచాయి.

దాదాపు 8ఏళ్ల గ్యాప్ తర్వాత యాదృచికంగా మరోసారి అదే మ్యాజిక్ రిపీట్ కానుంది. ఈ ఏడాది సెప్టెంబరులో తారక్ పాన్ ఇండియా ఫిల్మ్ ‘దేవర పార్ట్-1 రానుంది. ఇక డిసెంబరు లో శంకర్,రామ్ చరణ్ ల గేమ్ ఛేంజర్ రానుంది. 2025 సంక్రాంతికి బాలయ్య 109చిత్రం, మెగాస్టార్ విశ్వంభర పోటీ పడనున్నాయి. 2016 ఎలా అయితే నందమూరి – మెగా హీరోల సినిమాలు వచ్చాయో 2024-25 లోకూడా అలాగే రావడం యాదృచ్చికమే కానీ ఫాన్స్ కు మాత్రం పండగ అనే చెప్పాలి.