NTR: ‘X’ లో ఎన్టీఆర్ ట్రెండింగ్.. ఎందుకంటే..?

NTR: స్టార్ హీరో సినిమాలు అన్నాక.. అంచనాలు ఏ రేంజ్ లో ఉంటాయో ప్రత్యేకంగా చెప్పాల్సిన అవసరం లేదు. ఇక ఆ సినిమాను నిర్మించే మేకర్స్ కు అభిమానులతో ఇబ్బంది లేకుండా అయితే ఉండదు. అప్డేట్స్ సరిగ్గా ఇవ్వకపోతే వారిని తిట్టినంతగా ఇంకెవరిని తిట్టరు ఫ్యాన్స్. ఇక మొన్నటికి మొన్న గేమ్ ఛేంజర్ అప్డేట్ ఇవ్వలేదని ఒక అభిమాని సూసైడ్ లెటర్ రాసిన విషయం కూడా తెల్సిందే. ప్రస్తుతం.. ఇదే పరిస్థితి ఇప్పుడు నందమూరి ఆర్ట్స్ ఎదుర్కొంటుంది. ఎన్టీఆర్, జాన్వీ కపూర్ జంటగా కొరటాల శివ దర్శకత్వంలో తెరకెక్కుతున్న చిత్రం దేవర. ఈ సినిమాను నందమూరి ఆర్ట్స్ మరియు యువసుధా క్రియేషన్స్ సంయుక్తంగా నిర్మిస్తున్నాయి. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. రెండు భాగాలుగా రిలీజ్ అవుతున్న దేవర సినిమా మొదటి భాగం ఏప్రిల్ 5 న ప్రేక్షకుల ముందుకు రానుంది.

ఇక కొన్నిరోజుల క్రితం దేవర టీజర్ డేట్ చెప్పనున్నట్లు మేకర్స్ తెలిపారు. దీంతో దేవర టీజర్ ఎప్పుడు వస్తుంది అని అభిమానులు ఎంతగానో ఎదురుచూస్తున్నారు. కానీ, ఇప్పటివరకు ఆ టీజర్ కు సంబంధించిన అప్డేట్ ను మేకర్స్ అందివ్వలేదు. దీంతో ఫ్యాన్స్ ఓ రేంజ్ లో హర్ట్ అయ్యి.. X (ట్విట్టర్) లో ఎన్టీఆర్, దేవర హ్యాష్ ట్యాగ్స్ ను ట్రెండ్ చేస్తున్నారు. అప్డేట్ ఎక్కడ.. ? అంటూ మేకర్స్ ను తిట్టిపోస్తున్నారు. ప్రస్తుతం ఎన్టీఆర్ పేరు ట్రెండింగ్ నెంబర్ 1 గా ఉండడం విశేషం. గత 30 గంటల నుంచి ఇదే పేరు ట్రెండింగ్ లో ఉంది. మరి ఇంత రచ్చ తరువాత మేకర్స్ ఏదైనా అప్డేట్ ఇస్తే బావుంటుంది అని నెటిజన్స్ చెప్పుకొస్తున్నారు.