Nivetha Pethuraj: ‘బ్లడీ మేరీ’ ఇంటెన్స్ ఫస్ట్ లుక్!

ప్రముఖ కథానాయిక నివేదా పేతురాజ్ ప్రధాన పాత్ర పోషించిన చిత్రం ‘బ్లడీ మేరీ’. సీట్ ఎడ్జ్ థ్రిల్లింగ్ ఎక్స్ పీరియన్స్ ను అందించే ఈ సస్పెన్స్ థ్రిల్లర్ మూవీని చందు మొండేటి డిజిటల్ ప్లాట్ ఫామ్ కోసం డైరెక్ట్ చేశాడు. వీరిద్దరికీ ఇది ఫస్ట్ ఓటీటీ మూవీ కావడం విశేషం. మంగ‌ళ‌వారం ఈ సినిమాలో టైటిల్ పాత్ర‌లో న‌టించిన నివేదా పేతురాజ్ పాత్ర‌కు సంబంధించిన ఫ‌స్ట్ లుక్‌ను చిత్ర యూనిట్ విడుద‌ల చేసింది. సినిమా ఫ‌స్ట్ లుక్ పోస్ట‌ర్‌ను గ‌మ‌నిస్తే ప‌వర్ ఫుల్‌, థ్రిల్లింగ్ ఎక్స్‌పీరియెన్స్‌నిస్తుంది. నివేదా పేతురాజ్ ప‌దునైన క‌త్తిని ప‌ట్టుకుని భ‌యంక‌ర‌మైన ఓ రూపంతో ఇంటెన్స్ ఎక్స్‌ప్రెష‌న్స్‌తో నిలుచుని ఉంది. ఇందులో ఆమెకు వైక‌ల్యం ఉన్న‌ప్ప‌టికీ ఆమె త‌న‌కు ఎదురు కాబోయే స‌మ‌స్య‌ను ఎదుర్కొనేంత ధైర్యంగా క‌నిపిస్తోంది.

మేరీ త‌న వారిని ర‌క్షించుకోవ‌డానికి ఎంత దూర‌మైనా వెళుతుంద‌నే విష‌యం స్ప‌ష్ట‌మ‌వుతోంది. కిరిటీ దామ‌రాజు, రాజ్ కుమార్ కశిరెడ్డి, బ్ర‌హ్మాజీ, అజ‌య్ కీల‌క పాత్ర‌లు పోషిస్తున్న ఈ సినిమాను పీపుల్ మీడియా ఫ్యాక్ట‌రీ బ్యాన‌ర్‌పై టీజీ విశ్వ ప్ర‌సాద్ నిర్మిస్తున్నారు. ఈయ‌న దీనికి ముందు సై ఫై థ్రిల్ల‌ర్ ‘కుడి ఎడ‌మైతే’ను నిర్మించారు. కార్తీక్ ఘ‌ట్ట‌మ‌నేని సినిమాటోగ్ర‌ఫీ అందించిన ‘బ్లడీ మేరీ’కి కాల భైర‌వ సంగీత సార‌థ్యం వ‌హించారు. త్వ‌ర‌లోనే ఈ మూవీ ఆహాలో ప్రేక్ష‌కుల ముందుకు రానుంది.