Thammudu : హీరో నితిన్ వరుస ప్లాపులతో సతమతం అవుతున్నాడు. ఈ క్రమంలోనే తన తర్వాత మూవీ తమ్ముడు పై భారీ ఆశలు పెట్టుకున్నాడు. హిట్ డైరెక్టర్ వేణు శ్రీరామ్ దీన్ని తెరకెక్కించారు. బడా నిర్మాత దిల్ రాజు దీన్ని నిర్మిస్తున్నాడు. కాగా ఈ మూవీ రిలీజ్ డేట్ పై కొన్ని రోజులుగా రూమర్లు వస్తున్నాయి. వాటికి చెక్ పెడుతూ మూవీ టీమ్ అధికారికంగా రిలీజ్ డేట్ ను ప్రకటించింది. ఈ రోజు డైరెక్టర్ వేణు శ్రీరామ్ బర్త్ డే. ఈ సందర్భంగా మూవీ టీమ్ స్పెషల్ వీడియోతో రిలీజ్ డేట్ ను అనౌన్స్ చేసింది. వేణుకు బర్త్ డే విషెస్ చెప్పేందుకు వరుసగా వర్ష బొల్లమ్మ, స్వసిక విజయన్, సప్తమి గౌడ, లయ ఇలా అందరూ వస్తారు.
Read Also : Viral Video: వీరి యాక్టింగ్ ముందు చాలామంది హీరోహీరోయిన్స్ కూడా పనికిరారుగా..?!
వచ్చిన వారంతా ఒకే ప్రశ్న వేస్తారు. మన సినిమా రిలీజ్ డేట్ ఎప్పుడు.. మూవీ ప్రమోషన్స్ ఎప్పటి నుంచి స్టార్ట్ చేస్తున్నాం అంటూ అడుగుతారు. అందరూ ఒకే ప్రశ్న వేయడంతో వారికి ఏం చెప్పాలో తెలియక వేణు నేను మీకు ఇన్ఫార్మ్ చేస్తాను అంటూ ఇబ్బంది పడుతూ పంపించేస్తాడు. చివరకు దిల్ రాజు, శిరీష్ వచ్చి శ్రీరామ్ తో బర్త్ డే కేక్ కట్ చేయిస్తూ జులై 4న తమ్ముడు సినిమాను రిలీజ్ చేస్తున్నట్టు ప్రకటిస్తారు. ఇలా వెరైటీ వీడియోతో మూవీ రిలీజ్ డేట్ అనౌన్స్ చేశారు. త్వరలోనే మూవీ ప్రమోషన్లు స్టార్ట్ చేసే అవకాశాలు కనిపిస్తున్నాయి.
Read Also : Viral Video: ఇజ్రాయిల్ అతిపెద్ద ఎయిర్పోర్టుపై హౌతీ క్షిపణి దాడి.. వైరల్ అవుతున్న వీడియో..
