Gaami: విశ్వక్ గామిపై నెగటివ్ ప్రచారం.. రంగంలోకి బాట్స్?

Negative Ratings with Bots for Vishwak Sen Gaami Movie: విశ్వక్ సేన్ హీరోగా నటించిన గామి సినిమా మహాశివరాత్రి సందర్భంగా ప్రేక్షకుల ముందుకు వచ్చేసింది. మార్చి 8వ తేదీన ఈ సినిమా గ్రాండ్ రిలీజ్ అయింది. విద్యాధర కాగిత దర్శకత్వంలో తెరకెక్కిన ఈ సినిమాను మొదట క్రౌడ్ ఫండింగ్ ద్వారా నిర్మించాలని అనుకున్నారు. 40% షూటింగ్ పూర్తి అయిన తర్వాత యువి క్రియేషన్స్ సంస్థ టేక్ అప్ చేసి సినిమాను నిర్మించింది. ధీరజ్ మొగిలినేని ఈ సినిమాని రెండు తెలుగు రాష్ట్రాల్లో రిలీజ్ చేశారు. సినిమా రిలీజ్ అయిన మొదటి ఆట నుంచి సినిమాకి పాజిటివ్ టాక్ వచ్చింది. అయితే ఆఫ్ బీట్ సినిమా కావడంతో అందరికీ కనెక్ట్ అయ్యే అవకాశాలు తక్కువే కానీ ఎక్కువగా విమర్శకుల నుంచి మాత్రం సినిమాకి ప్రశంసలు దక్కాయి.

STHREE: మహిళా శక్తిని చాటేలా ‘స్త్రీ’ మ్యూజికల్ ఆంథమ్

అయితే ఈ సినిమా మీద బుక్ మై షో లో నెగిటివ్ రేటింగ్స్ వేయిస్తున్నారు అంటూ ప్రచారం జరుగుతోంది. గతంలో హనుమాన్, గుంటూరు కారం సినిమాలకు ఎలా అయితే కావాలని కొన్ని బాట్స్ ద్వారా నెగిటివ్ రేటింగ్స్ ఇప్పించారో, ఇప్పుడు ఈ సినిమాకి కూడా అదే విధంగా నెగిటివ్ రేటింగ్ ఇప్పిస్తున్నట్లుగా భావిస్తున్నారు. ఈ విషయం మీద సినిమా యూనిట్ కూడా దృష్టి పెట్టింది. ఎలా ముందుకు వెళ్లాలనే విషయం మీద ఆలోచిస్తున్నట్లుగా ప్రచారం జరుగుతోంది. చాందిని చౌదరి, అభినయ ఇతర కీలక పాత్రలలో నటించిన ఈ సినిమాకి విశ్వక్సేన్ కెరియర్లో మంచి ఓపెనింగ్స్ వచ్చే అవకాశాలు కనిపిస్తున్నాయి. ఎందుకంటే అమెరికాలో కూడా సినిమాకి మంచి బజ్ ఏర్పడింది. మరి ఈ సినిమా విషయంలో సినిమా యూనిటీ ఎలా ముందుకు వెళ్ళబోతుంది అనే విషయం మీద క్లారిటీ రావాల్సి ఉంది.