custom-ads
custom-ads
Home Cinema News Neekemo Andamekkuva Song From Waltair Veerayya Is Out Now

Waltair Veerayya: వీరయ్య… సాంగ్ అదిరిందయ్యా

By Shiva Kranthi
Waltair Veerayya: వీరయ్య… సాంగ్ అదిరిందయ్యా

జనవరి 13న మాస్ మూలవిరాట్ అవతారంలో ఆడియన్స్ ముందుకి ‘వాల్తేరు వీరయ్య’గా రానున్నాడు మెగాస్టార్ చిరంజీవి. చిరులో మాస్ మాత్రమే కాదు క్లాస్ కూడా ఉంది అని చెప్తూ ‘వాల్తేరు వీరయ్య’ సినిమా నుంచి లాస్ట్ సాంగ్ బయటకి వచ్చింది. ‘నీకేమో అందం ఎక్కువ, నాకేమో తొందరెక్కువ’ అనే లైన్ తో క్యాచీగా సాగిన ఈ సాంగ్ వినడానికి చాలా బాగుంది. దేవి శ్రీప్రసాద్ ఇచ్చిన ట్యూన్, రామజోగయ్య శాస్త్రీ రాసిన లిరిక్స్, మికా సింగ్, గీత మాధురి వోకల్స్ ‘నీకేమో అందం ఎక్కువ, నాకేమో తొందరెక్కువ’ సాంగ్ కి పర్ఫెక్ట్ గా సెట్ అయ్యాయి. ఈరోజు ఉదయం 10:35 నిమిషాలకి విడుదలవ్వాల్సిన ఈ సాంగ్ కొంచెం డిలేతో 11:34 నిమిషాలకి బయటకి వచ్చింది. శేఖర్ మాస్టర్ ఖోరియోగ్రఫి చేసిన ఈ మెలోడి సాంగ్ లో చిరు వేసిన స్టెప్స్ చాలా గ్రేస్ ఫుల్ గా ఉన్నాయి. ఫ్రాన్స్ లోని బ్యూటిఫుల్ లోకేషన్స్ లో ఈ ‘నీకేమో అందం ఎక్కువ, నాకేమో తొందరెక్కువ’ సాంగ్ ని షూట్ చేశారు. మరి ఈ క్లాసు మాసు కలిపి మిక్స్ చేసిన సాంగ్ మెగా అభిమానులని థియేటర్స్ లో ఎంత ఇంప్రెస్ చేస్తుందో చూడాలి.

ఇదిలా ఉంటే ఈ మెగా మాస్ సినిమాని చూడడానికి చిరు, రవితేజ ఫాన్స్ ఈగర్ గా వెయిట్ చేస్తున్నారు కానీ ఏపీలో కొన్ని మెయిన్ సెంటర్స్ లో ఇంకా టికెట్ బుకింగ్స్ ఓపెన్ అవ్వలేదు. వైజాగ్ లాంటి ప్రాంతంలో చిరు సినిమాకి సాలిడ్ ఓపెనింగ్స్ వస్తాయి అలాంటి చోటే బుకింగ్స్ ఓపెన్ కాకుంటే ఎలా అంటూ మెగా అభిమానులు కంగారు పడుతున్నారు. ఈ ఆలస్యానికి కారణం ఏంటో ఎవరికీ తెలియదు కానీ వీలైనంత త్వరగా టికెట్ బుకింగ్స్ ఓపెన్ అయ్యే అవకాశం ఉంది.

NTV తెలుగు  వాట్సాప్ ఛానల్ ని ఫాలో అవ్వండి

తాజావార్తలు

ట్రెండింగ్‌