ప్రస్తుతం తన తాజా చిత్రం ‘అఖండ’ విజయాన్ని ఎంజాయ్ చేస్తున్న నటసింహం నందమూరి బాలకృష్ణ తన నెక్స్ట్ ప్రాజెక్టుకు సిద్ధంగా ఉన్నారు. ఇప్పుడు ట్యాలెంటెడ్ డైరెక్టర్ గోపీచంద్ మలినేనితో తన తదుపరి చిత్రం సెట్స్లో జాయిన్ అయ్యేందుకు రెడీ అవుతున్నాడు. ఈ క్రేజీ ప్రాజెక్ట్ను మైత్రీ మూవీ మేకర్స్ భారీ బడ్జెట్ తో రూపొందిస్తోంది. మాస్ అండ్ కమర్షియల్ చిత్రంగా తెరకెక్కుతున్న ఈ మూవీలో శృతిహాసన్ బాలయ్యతో జత కట్టబోతోంది. యాక్షన్ ఎంటర్టైనర్గా తెరకెక్కుతున్న ఈ చిత్రానికి థమన్ సంగీతం సమకూరుస్తుండగా, రిషి పంజాబీ సినిమాటోగ్రఫీని అందిస్తున్నారు. ఈ నెలలో సినిమా రెగ్యులర్ షూటింగ్ ప్రారంభం కానుంది. ఈ నేపథ్యంలో సినిమాకు సంబందించిన ఆసక్తికర విషయాన్ని మేకర్స్ వెల్లడించారు. ఈ సినిమాలో ప్రముఖ కన్నడ నటుడిని భాగం చేయబోతున్నారు మేకర్స్.
Read Also : డైరెక్టర్ కి బాలయ్య వార్నింగ్… 6 నెలలు ఆ హీరోను కలవొద్దు !
పాపులర్ కన్నడ నటుడు దునియా విజయ్ ఈ చిత్రాల్లో పవర్ ఫుల్ రోల్ లో కనిపించబోతున్నారు. బాలయ్యతో పోటాపోటీగా ఫైట్ చేయడానికి సెట్స్ లోకి ఈ నటుడు రాబోతున్నాడని అధికారికంగా ప్రకటించారు. దునియా విజయ్ తొలి తెలుగు సినిమా ఇదే కావడం విశేషం. ఇక ఇప్పటికే దర్శకుడు గోపీచంద్ మలినేని సినిమాలో నుంచి ఓ పవర్ ఫుల్ డైలాగ్ ను లీక్ చేయడంతో సినిమాపై అంచనాలు భారీగా నెలకొన్నాయి.
