Nayattu to release in Telugu as Chunduru Police Station: 2021లో లాక్ డౌన్ టైమ్ లో నెట్ ఫ్లిక్స్ లో విడుదలైన సూపర్ హిట్ మలయాళ చిత్రం ‘నాయాట్టు’ (వేట). కుంచాకో బోబన్, నిమిషా సజయన్, జోజు జార్జ్ ముఖ్య పాత్రలు పోషించిన ఈ సినిమా మలయాళ ప్రేక్షకులనే కాదు భారతీయ ప్రేక్షకులను సైతం అమితంగా ఆకట్టుకుంది. సింపుల్ కథకి, అద్భుతమైన కథనం, ఉత్కంఠ భరితమైన సన్నివేశాలు వెరసి సినిమాను క్లాసిక్ గా నిలబెట్టాయి. ఓటు బ్యాంక్ రాజకీయాలతో నడిచే ప్రభుత్వం .. వ్యవస్థల్ని తమ స్వార్ధం కోసం ఎలా ఉపయోగించుకుంటుందో, అత్యవసర పరిస్థితులు తలెత్తినప్పుడు ప్రభుత్వం కోసం పనిచేసేవారు ఎలా బలిపశువులు అవుతారో ఈ సినిమాలో చూపించారు దర్శకుడు మార్టిన్ ప్రకాట్.
Kamal Haasan: కమల్ హాసన్ ఇంట తీవ్ర విషాదం
ఈ సినిమా రీమేక్ రైట్స్ ను విడుదలైన కొద్ది రోజులకే స్వంతం చేసుకుని తెరకెక్కించింది. జీఏ2 సంస్థ. తేజా మార్ని దర్శకత్వం వహించిన ఈ సినిమాలో రాహుల్ విజయ్, శివాని రాజశేఖర్, వరలక్ష్మి శరత్ కుమార్ కీలకపాత్రలు పోషించారు. మలయాళం సూపర్ హిట్ నాయాట్టు రీమేక్ గా తెరకెక్కించగా గత ఏడాది నవంబర్ 24న విడుదలైన ఈ సినిమాకు మంచి రెస్పాన్స్ వచ్చింది. ఎలాంటి అంచనాలు లేకుండా అడియన్స్ ముందుకు వచ్చి నిర్మాతలకు భారీ లాభాలను తీసుకువచ్చింది. థియేటర్లలో ప్రేక్షకులను మెప్పించిన ఈ సినిమా ఓటీటీలో కూడా సందడి చేస్తోంది. ఇదంతా ఒక ఎత్తు అయితే ఇప్పుడు ఒరిజినల్ సినిమాకి తెలుగు డబ్బింగ్ చెప్పించి రిలీజ్ చేస్తున్నారు. ఆహా ఓటీటీలో రిలీజ్ కానున్న ఈ సినిమాకు చుండూరు పోలీస్ స్టేషన్ అనే టైటిల్ ఫిక్స్ చేశారు. ఈ నెల 26 నుంచి ఆహాలో ఈ సినిమా స్ట్రీమింగ్ కానుంది.
