Nayanthara Demanding 10cr Remuneration For Bikini Show In Jawaan: గ్లామర్ ప్రపంచమైన సినీ పరిశ్రమలో.. కథానాయికలు ఎలాంటి సన్నివేశంలో నటించడానికైనా, అందాలు ఆరబోయడానికైనా సిద్ధంగా ఉండాలి. ఒకరిద్దరు మాత్రమే గ్లామర్ విషయంలో కండీషన్స్ పెడతారే తప్ప, మిగతావాళ్లు దేనికైనా రెడీ అంటారు. ఇప్పుడు స్టార్ స్టేటస్ పొందిన భామలందరూ.. కెరీర్ ప్రారంభంలో అందాలు ఆరబోసిన వాళ్లే! అంతెందుకు.. లేడీ సూపర్‌స్టార్‌గా చెలామణి అవుతున్న నయనతార సైతం ఒకప్పుడు గ్లామర్ పాత్రలు బాగానే పోషించింది. బికినీ సైతం ధరించింది.
IND vs PAK: భారత్‌పై పాకిస్తాన్ ప్రతీకారం తీర్చుకోవాలి.. బీసీసీఐ, పీసీబీ ఏం చేయలేవు
అయితే.. గత కొంతకాలం నుంచి రొమాంటిక్ సీన్లకు, గ్లామర్ పాత్రలకు నయనతార దూరంగానే ఉంటోంది. ఎక్కువగా లేడీ ఓరియెంటెడ్ సినిమాలు, నటనకు ప్రాధాన్యం ఉన్న పాత్రలే చేస్తోంది. కానీ.. ఇప్పుడు ఓ సినిమా కోసం గ్లామర్ షోకి నయన్ గ్రీన్ సిగ్నల్ ఇచ్చిందని సమాచారం. ఇంతకీ ఏ సినిమాలో అనుకుంటున్నారా? బాలీవుడ్ కింగ్ షారుఖ్ ఖాన్‌కి జోడీ కట్టిన జవాన్ చిత్రంలో! ఇందులో.. ముఖ్యంగా ప్రథమార్థంలో నయనతార ప్రేక్షకుల్ని స్టన్ చేసేలా కనిపించబోతోందని, బికినీ కూడా వేసుకోనుందని టాక్ వినిపిస్తోంది. స్క్రిప్ట్ డిమాండ్ చేయడం, దర్శకుడు అట్లీ కూడా రిక్వెస్ట్ చేయడంతో.. గ్లామర్ షోకి నయనతార ఒప్పుకుందని తెలుస్తోంది.
VNRTrio: భీష్మ కాంబో రిపీట్.. ప్రాజెక్ట్ ప్రకటించిన మైత్రీ మూవీ మేకర్స్
అయితే.. ఇందుకు నయనతార ఒక కండీషన్ పెట్టినట్టు తెలిసింది. తాను అడిగినంత రెమ్యునరేషన్ ఇస్తే.. గ్లామర్ షో చేస్తానని చెప్పిందట! దీంతో.. ఆమెకు ఏకంగా రూ.10 కోట్ల పారితోషికం ఇస్తున్నారని సినీ పరిశ్రమలో ఓ టాక్ చక్కర్లు కొడుతోంది. ఇందులో ఎంతవరకు నిజముందో తెలీదు కానీ.. బాలీవుడ్‌తో పాటు చెన్నై మీడియా సైతం నయనతార ‘జవాన్’కి రూ.10 కోట్లు అందుకుంటోందని కోడై కూస్తోంది. కాగా.. ‘జవాన్’ సినిమాను ఈ ఏడాది అక్టోబర్ నెలలో ప్రేక్షకుల ముందుకు తీసుకురావాలని మేకర్స్ సన్నాహాలు చేస్తున్నారు.