దర్శకుడు విఘ్నేష్ శివన్, లేడీ సూపర్ స్టార్ నయనతార మొదటి అంతర్జాతీయ అవార్డును అందుకున్నారు. కొంతకాలం క్రితం ఈ లవ్ బర్డ్స్ తమ రౌడీ పిక్చర్స్ బ్యానర్లో రూపొందుతున్న తమిళ చిత్రం “కూజంగల్” నిర్మాణ, పంపిణీ హక్కులను సొంతం చేసుకున్నారు. ఈ సంవత్సరం ప్రారంభంలో “ఐఎఫ్ఎఫ్ఆర్ – ఇంటర్నేషనల్ ఫిల్మ్ ఫెస్టివల్ ఆఫ్ రోటర్డామ్”లో ఈ చిత్రాన్ని ప్రదర్శించారు. ఆ ఫిలిం ఫెస్టివల్ లో “కూజంగల్” చిత్రం ప్రతిష్టాత్మకమైన టైగర్ అవార్డును దక్కించుకుంది. “కూజంగల్” సినిమాకు పిఎస్ వినోద్ రాజ్ దర్శకత్వం వహించారు. ఈ చిత్రం దర్శకుడి కుటుంబంలో జరిగిన వాస్తవ సంఘటన ఆధారంగా రూపొందించబడింది.
Read Also : ప్రభాస్ “సలార్”లో విలన్ అతనేనా ?
ఫిల్మ్ మేకర్ విఘ్నేష్ శివన్ నిన్న సోషల్ మీడియాలో నయనతార టైగర్ అవార్డును పట్టుకుని ఉన్న కొన్ని ఫోటోలను పంచుకున్నారు. “మా మొదటి అంతర్జాతీయ పురస్కారం… “కూజంగల్” మాకు ప్రతిష్టాత్మక టైగర్ అవార్డును రోటర్డామ్ నుండి చెన్నైలో ఉన్న ఇంటికి తీసుకువచ్చింది. ఈ రత్నాన్ని తయారు చేసిన దర్శకుడు పిఎస్ వినోద్ రాజ్, చిత్రబృందానికి కృతజ్ఞతలు. ఈ చిత్రం ప్రశంసలు పొందడం మాకు చాలా సంతోషంగా, గర్వంగా ఉంది!” అంటూ పోస్ట్ చేశారు. ఇక నయన్, విఘ్నేష్ ప్రస్తుతం “కాతు వాకుల రెండు కాదల్” సినిమా కోసం కలిసి పని చేస్తున్నారు.
