Narne Nithin: ఎన్టీఆర్ బామ్మర్దికి బంపరాఫార్.. తంతే గీతా బుట్టలో పడ్డాడుగా!

Narne Nithin Chandra movie with Geetha arts: టాలీవుడ్ యంగ్ టైగర్ ఎన్టీఆర్ బావమరిది, ప్రముఖ పారిశ్రామికవేత్త వైసీపీ నేత నార్నె శ్రీనివాసరావు కుమారుడు నార్నె నితిన్ చంద్ర హీరోగా ఎంట్రీ ఇచ్చేందుకు ఇప్పటికే రంగం సిద్ధమైంది. శతమానంభవతి దర్శకుడు వేగేశ్న సతీష్ వర్మ దర్శకత్వంలో నితిన్ చంద్ర హీరోగా ఒక సినిమా తెరకెక్కింది. శ్రీ వేదాక్షర మూవీస్ బ్యానర్ మీద రామారావు చింతపల్లి, ఎంఎస్ రెడ్డి శ్రీశ్రీశ్రీ రాజావారు అనే టైటిల్ తో ఒక సినిమా తెరకెక్కించారు. గత ఏడాది మార్చిలోనే ఫస్ట్ లుక్ సైతం రిలీజ్ చేశారు. అప్పట్లోనే సినిమా షూటింగ్ పూర్తయిందని పోస్ట్ ప్రొడక్షన్ పనులు శరవేగంగా పూర్తవుతున్నాయని త్వరలోనే సినిమాని ప్రేక్షకులు ముందుకు తీసుకొస్తామని అధికారికంగా ప్రకటించారు.

Project K: ‘K’ అంటే కాలచక్రమా? లేక ‘కల్కి’నా?

కానీ అది ఏ మాత్రం ముందుకు వెళ్ల లేదు. సినిమా రిలీజ్ అవుతుందో లేదో కూడా తెలియని పరిస్థితి నెలకొంది. అయితే ఇలాంటి తరుణంలో నితిన్ కి బంపర్ ఆఫర్ తగిలినట్లుగా తెలుస్తోంది.అదేమిటంటే ఆయనతో సినిమా చేసేందుకు గీతా ఆర్ట్స్ సంస్థ ముందుకు వచ్చినట్లుగా ప్రచారం జరుగుతోంది. అయితే ప్రస్తుతానికి గీతా ఆర్ట్స్ సంస్థలో ఎలాంటి సినిమాలో నిర్మించడం లేదు కానీ గీతా ఆర్ట్స్ 2 బ్యానర్ మీద పలువురు కుర్ర హీరోలతో సినిమాలు నిర్మిస్తున్నారు. ఇప్పటికే కార్తికేయ, నిఖిల్ సిద్ధార్థ, కిరణ్ అబ్బవరం వంట హీరోలతో సినిమాల నిర్మించగా అవి పెద్దగా వర్క్ అవుట్ అవ్వలేదు. అయితే నార్నె నితిన్ కి సరిపడే కథ రావడంతో ఆయనతో సినిమా చేసేందుకు గీతా ఆర్ట్స్ 2 ముందుకు వచ్చినట్లు ప్రచారం జరుగుతుంది. అయితే ఇందులో నిజానిజాలు ఎంతవరకు ఉన్నాయి అనేది సినిమా యూనిట్ నుంచి అధికారిక ప్రకటన వస్తే తప్ప క్లారిటీ రాదు.