Nani : బాలీవుడ్ ను మనం కాపాడలేం.. నాని ఆసక్తికర కామెంట్స్

Nani : ఇప్పుడు బాలీవుడ్ పరిస్థితి ఎలా ఉందో మనకు తెలిసిందే. ఒకప్పుడు సౌత్ ను చిన్న చూపు చూసిన బాలీవుడ్ ను.. ఇప్పుడు సౌత్ సినిమాలు శాసించే పరిస్థితి వచ్చింది. బాలీవుడ్ హీరోలకు కూడా హిందీలో రాని కలెక్షన్లు.. మన తెలుగు హీరోలకు వస్తున్నాయి. దాంతో బాలీవుడ్ పని అయిపోయిందనే కామెంట్స్ వినిపిస్తున్నాయి. ఇలాంటి టైమ్ లో నానికి ఓ ఇంట్రెస్టింగ్ ప్రశ్న వచ్చింది. ప్రస్తుతం హిట్-3 మూవీ ప్రమోషన్లలో నాని చాలా బిజీగా ఉంటున్నాడు. ఈ క్రమంలోనే తాజాగా ఓ ఇంటర్వ్యూలో పాల్గొన్నారు. ఇందులో ఆయన్ను బాలీవుడ్ ను మనమే కాపాడుతున్నాం అని అంటారా అని ఓ ప్రశ్న వేశారు. దానికి నాని స్పందిస్తూ.. నేను అయితే అలా అనుకోవట్లేదు. బాలీవుడ్ ను మనం కాపాడట్లేదు. కానీ బ్యాలన్స్ చేస్తున్నాం.
Read Also : Mahesh Babu : ఈడీ అధికారులకు మహేష్ బాబు లేఖ.. ఏమన్నాడంటే..?

ఒకప్పటితో పోలిస్తే ఇప్పుడు సౌత్ సినిమాలకు భారీగా మార్కెట్ పెరిగింది. టాలీవుడ్ సినిమాలు నార్త్ లో మార్కెట్ ను సంపాదించుకున్నాయి. హిందీ సినిమాలతో సమానంగా మన సినిమాలకు ఓపెనింగ్ బాలీవుడ్ లో దక్కుతున్నాయి. కానీ బాలీవుడ్ ను మనం కాపాడట్లేదు. ఎందుకంటే ఒకప్పుడు బాలీవుడ్ లో ఎన్నో గొప్ప సినిమాలు వచ్చాయి. ఆ ఇండస్ట్రీ తిరిగి కోలుకుంటుందనే నమ్మకం ఉంది’ అంటూ చెప్పుకొచ్చాడు నాని. ఆయన చేసిన ఈ కామెంట్స్ ఇప్పుడు సోషల్ మీడియాల వైరల్ అవుతున్నాయి. ఆయన నటించిన హిట్-3 సినిమా మే-1న రిలీజ్ కాబోతోంది. ప్రస్తుతం ఈ మూవీ ప్రమోషన్లలో చాలా బిజీగా ఉంటున్నాడు నాని. శైలేష్ కొలను డైరెక్షన్ లో వచ్చిన ఈ సినిమాలో శ్రీనిధి శెట్టి హీరోయిన్ గా నటిస్తోంది.