Nandamuri Balakrishna: బాలయ్య.. బాలయ్య.. బాలయ్య.. ఈ ఏడాది అంతా బాలయ్య నామస్మరణనే నడిచింది. సీనియర్ హీరోల్లో.. 2023 ను ఎగరేసుకుపోయింది బాలయ్యనే. గతేడాది చివర్లో అఖండ సినిమాతో వచ్చాడు. డిసెంబర్ లో రిలీజ్ అయ్యి జనవరి లో కూడా తన సత్తా చాటింది. ఇక ఈ సినిమా ఎన్ని రికార్డులు బద్దలుకొట్టిందో ప్రత్యేకంగా చెప్పాల్సిన అవసరం లేదు. బోయపాటి మాస్.. బాలయ్య ఊర మాస్ లుక్ తో బాక్సాఫీస్ ను షేక్ చేసింది. అలా బాలయ్య .. 2023 మొదలయ్యింది. ఇక ఈ సినిమా తరువాత వీరసింహారెడ్డి గా ప్రేక్షకుల ముందుకు వచ్చాడు. గోపీచంద్ మలినేని దర్శకత్వంలో తెరకెక్కిన ఈ సినిమా సంక్రాంతి కానుకగా రిలీజ్ అయ్యి మరో రికార్డ్ సృష్టించింది.
తన ఏజ్ కు తగ్గ పాత్రలను ఎంచుకొని.. కథకు తగ్గట్టు తనను తాను మలుచుకొని బాలయ్య హిట్లు అందుకుంటున్నాడు. ఇక ఈ సినిమా కూడా భారీ విజయాన్ని అందుకొని.. ఇండస్ట్రీ మొత్తం జై బాలయ్య అని అనిపించింది. ఈ రెండు సినిమాలతో పాటు ఈ మధ్య భగవంత్ కేసరి సినిమాతో హ్యాట్రిక్ అందుకొని.. ఈ ఏడాదిని విజయవంతంగా పూర్తి చేశాడు. అనిల్ రావిపూడి దర్శకత్వంలో తెరకెక్కిన ఈ సినిమా కూడా మంచి విజయాన్ని అందుకుంది. ఈ ఏడాది వచ్చిన మిగతా సీనియర్లు.. హిట్లు.. ప్లాపులు అందుకున్నా.. బాలయ్య మాత్రం హ్యాట్రిక్ అందుకొని ఔరా అనిపించాడు. మరి వచ్చే ఏడాది బాలయ్య ఎలాంటి హిట్లు అందుకోనున్నాడోచూడాలి .
